Memlekettik qyzmetshilerdiń kásibı qabiletterin jetildirý maqsatynda bir aptalyq semınar ótýde
ASTANA. 5 maýsym. QazAqparat - Qazaqstan Respýblıkasy Prezıdentiniń janyndaǵy Memlekettik basqarý akademııasy «Memlekettik basqarýdy jańǵyrtý jaǵdaıyndaǵy memlekettik qyzmetshilerdiń tulǵasy men kásibı qabiletterin jetildirý» atty taqyrypta bir aptalyq semınar ótkizýde.
Memlekettik qyzmetshilerdiń biliktiligin arttyrý maqsatynda ótip jatqan semınardy osy akademııanyń Memlekettik qyzmetshilerdi qaıta daıarlaý jáne biliktiligin arttyrý ınstıtýtynyń «Basqarý fılosofııasy men ádisnamasy» kafedrasy uıymdastyryp otyr.
Semınardyń ashylýynda «Basqarý fılosofııasy men ádisnamasy» kafedrasynyń professory, fılosofııa ǵylymdarynyń kandıdaty, dotsent Eltaı Shahanov qoǵamdy damytýdaǵy memlekettik qyzmetshiniń róli týraly aıta kelip, osy sharanyń maqsattary men mindetterin aıtyp berdi.
Semınardyń maqsaty - memlekettik qyzmetshilerdiń jeke bas mádenıeti men kásibı quzyrettiligin arttyrý jolynda olardy basqarýdyń qazirgi tehnologııalary jáne ádisterimen tanystyrý. Semınar baǵdarlamasyn ıgerýtyńdaýshylarǵa basqarý quzyrettiliginiń negizderi týraly bilimderin keńeıtýge, tulǵalyq jáne kásibı daǵdylaryn damytýǵa, ujymdaǵy moraldik-psıhologııalyq ahýaldy jaqsartýǵa, memlekettik qyzmetshiniń kásibı mádenıetiniń mazmuny men abyroıyn arttyrýǵa baǵyttalǵan júıelengen bilimderi men naqty biliktilikterin qalyptastyrady.
Aıta ketý kerek, ortalyq memlekettik organdardyń qurylymdyq bólimsheleriniń basshylary, orynbasarlary men jetekshi mamandary, birqatar óńirden kelgen jergilikti atqarý organdarynyń basshylary men orynbasarlary dáris alýda.
Oqytý tásilidáris berý, trenıngter, praktıkalyq sabaqtar, dóńgelek ústelder basynda pikir almasý túrine ótedi.
Semınardyń alǵashqy kúni QR Memlekettik qyzmet isteri agenttiginiń kadrlyq qamtamasyz etý departamenti dırektorynyń orynbasary Ásel Musaǵulova, Memlekettik basqarý akademııasynyń «Memlekettik jáne jergilikti basqarý» kafedrasynyń dotsenti, ekonomıka ǵylymdarynyń kandıdaty Ashat Nametsha jáne «Áleýmettik tehnologııalar» kafedrasynyń professory, psıhologııa ǵylymdarynyń doktory Leıla Asylbekova tyńdaýshylarǵa dáris berdi.
Bir aptalyq semınar búgin odan ári jalǵasady.
