Memlekettik qyzmetshilerdiń qarym-qatynas qaǵıdasy engiziledi

ASTANA. QazAqparat - Qazaqstanda memlekettik qyzmetshilerdiń halyqpen qarym-qatynas ádebi týraly arnaıy qaǵıdalar engizý usynyldy, dep habarlaıdy QazAqparat.

«Senim týraly aıtqanda, memlekettik qyzmetshilerdiń ádebin aınalyp óte almaımyn. Sońǵy tórt jylda etıkalyq quqyqbuzýshylyqtar eki esege azaısa da, sheshilmegen másele kóp. Endi memlekettik qyzmette minsiz bedel uǵymyn engizetin ýaqyt jetti. Memlekettik qyzmetshiniń halyqpen qarym-qatynasy tıisti deńgeıde bolýy kerek», - dedi Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev agenttik alqasynyń keńeıtilgen otyrysynda.

Odan bólek, agenttik tóraǵasy memlekettik qyzmetshilerdiń qarym-qatynas quzireti standarty engiziletinin habarlady.

«Teatr kıim ilgishten bastalsa, memlekettik qyzmetshilerdiń jumysy telefon qońyraýynan bilinedi. Kóptegen memlekettik qyzmetshiler qońyraýǵa selqos jaýap beredi (...) Bul máseleni retteý úshin memlekettik qyzmetshilerdiń kommýnıkatıvtik quziret standarty engiziledi. Jaqynda ony barlyq memlekettik organǵa taratamyz. ıAǵnı, bul - memlekettik qyzmetshiniń halyqpen qarym-qatynas jasaý erejesi», - dedi A. Shpekbaev.