Memlekettik qyzmetshilerdiń biliktilikti arttyrý baǵdarlamasy bastalady
ASTANA. 19 tamyz. QazAqparat - 22 tamyz kúni Nazarbaev Ýnıversıtetinde memlekettik qyzmetshilerdiń basshylyq quramyna arnalǵan biliktilikti arttyrý baǵdarlamasy bastalady. Oqýǵa QR mınıstrlikteriniń 28 vıtse-mınıstri men jaýapty hatshylary qatysady,
dep habarlady Ýnıversıtettiń baspasóz qyzmetinen.
Atalǵan baǵdarlama Nazarbaev Ýnıversıtetiniń Memlekettik saıasat mektebi men Sıngapýr ulttyq ýnıversıtetiniń Lı Kýan ıÝ Memlekettik saıasat mektebiniń birlesýimen ázirlengen. Oqý 2011 jylǵy tamyz, qazan jáne qarasha aılarynda aptalyq trenıngtik sessııalar túrinde uıymdastyrylady. Sessııalardyń taqyryptary: Memlekettik saıasat jáne qarjyny basqarý, Ekonomıkalyq saıasat jáne memlekettik sektordy basqarý, Basshylyq jáne jetekshilik.
Nazarbaev Ýnıversıteti memlekettik qyzmetshilerdiń basshylyq quramyna arnalǵan biliktilikti arttyrý baǵdarlamasyn ekinshi ret ótkizip otyr. Aldyńǵy baǵdarlamaǵa 30 adam qatysqan bolatyn. Oqýdyń sońynda tyńdaýshylarǵa Nazarbaev Ýnıversıteti men Lı Kýan ıÝ Memlekettik saıasat mektebiniń birikken sertıfıkattary beriledi.
