Memlekettik qyzmetshilerdiń Ádep kodeksine ózgerister enýi múmkin

NUR-SULTAN. QazAqparat – Memlekettik qyzmetkerler memlekettik sheshimder qabyldaý protsesine azamattyq qoǵam men sarapshylardy tartyp, kez kelgen synǵa ashyq bolýy kerek.

Memlekettik basqarýdyń jańa qundylyqtary sheneýnikterge osyndaı mindetter júktemek, dep habarlaıdy QazAqparat.

Memlekettik qyzmet isteri agenttigi tóraǵasynyń orynbasary Darhan Jazyqbaev «Memlekettik basqarýdy damytýdyń 2030 jylǵa deıingi tujyrymdamasyn BAQ ókilderine tanystyra kelip, ondaǵy memlekettik basqarýdyń jańa qundylyqtaryn atady.

«Taǵy da bir mańyzdy másele – memlekettik basqarýdyń jańa qundylyqtaryn engizý qajet. Bul qundylyqtar: ınnovatsııalarǵa ashyqtyq, jeke jaýapkershilik, ókilettikterdi tabystaý, azamattar men bıznestiń qajettilikterin qanaǵattandyrýǵa baǵdarlaný, tıimdilik pen nátıjege baǵdarlaný, bıznes-protsesterdi ońtaılandyrý jáne bıýrokratııany joıý jónindegi joldardy udaıy izdestirý, azamattyq qoǵam men sarapshylyq qoǵamdastyqty memlekettik sheshimder qabyldaý protsesine belsendi túrde tartý jáne dıalogqa jáne negizdi synǵa ashyqtyq», - dedi Agenttik ókili.

Darhan Jazyqbaev árbir memlekettik qyzmetshiniń jumysy «360 gradýstyq» ólshem boıynsha baǵalanatynyn aıtady. ıAǵnı, onyń ádep deńgeıi basty nazarda bolady. Sondaı-aq, aınalasyndaǵy adamdardyń, basshysy men baǵynyshty qyzmetkerlerdiń, áriptesteriniń pikirin bilý úshin «anonımdi baǵalaý» tásili qoldanylmaq.

«Osyǵan baılanysty, ádep jónindegi áýkilder ınstıtýtyn jandandyra otyryp, aldaǵy ýaqytta Ádep kodeksin de jetildirý boıynsha jumystar atqarylady», - agenttik tóraǵasynyń orynbasary.