Memlekettik qyzmetshilerdi oqytýdyń tyń ádisteri engiziledi

ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttigi memlekettik qyzmetshilerdiń ádep normalary men zań talaptaryn saqtaýy máselesi boıynsha jańa ádisterdi engizip jatyr, dep habarlaıdy «QazAqparat» HAA tilshisi.

Agenttik búgin QR Prezıdenti janyndaǵy memlekettik basqarý akademııasy bazasynda memlekettik qyzmetshilerge ádep normalary men zań talaptaryn saqtaý máselesi boıynsha oqytý júrgizdi. Oqytý aıasynda jas memlekettik qyzmetshiler tártiptik teris qylyqty qaraýdy júzege asyratyn Ádep jónindegi keńestiń otyrysyn sahnalady.

«Búginnen bastap osy oqytýda jańa ıntereaktıvti ádisteri qoldanylýda. Búgingi sahnalanǵan otyrysta jalpy teris qylyq boıynsha tártiptik is qozǵalyp qarastyrylady. Osy otyrystyń basty máselesi - mektep oqýshylaryna jazǵy demalys uıymdastyratyn memlekettik satyp alý týraly zańdy tulǵanyń qyzmetine kedergi keltirip, zańsyz aralasý faktisi boıynsha aýdandyq bilim bólimi basshysynyń orynbasary «jaýapqa tartylatyn bolady». Aryz berýshi men jaýapqa tartylatyn memlekettik qyzmetshi tyńdalady. Eń sońynda memlekettik qyzmetshige jaza qoldaný týraly usynys joldanady», - dedi Agenttiktiń memlekettik qyzmet salasyn baqylaý departamenti dırektorynyń orynbasary Madına Naýryzbek.

Aıta keterligi, qyzmetke jańadan qabyldanǵan memlekettik qyzmetshilerdi 3 aptalyq qaıta daıarlaý kýrstarynan ótkizý arqyly memlekettik qyzmettiń qyr-syryn uqtyrý kózdelgen. Kýrstan alǵan bilimderin jas memlekettik qyzmetshiler Ádep jónindegi keńestiń otyrysynda tártiptik isti qaraý stsenarııi boıynsha qoıylymyn qoıý arqyly tájirıbede kórsetti.