Memlekettik qyzmetshilerdi áleýmettik qoldaý kúsheıedi

NUR-SULTAN. QazAqparat - Memlekettik qyzmet isteri agenttiginiń tóraǵasy Anar Jaıylǵanova memlekettik qyzmetshilerdiń áleýmettik paketi kúsheıtiletinin aıtty, dep habarlaıdy QazAqparat vedomstvonyń baspasóz qyzmetine silteme jasap.

Naryqtyq ekonomıkadaǵy memlekettik qyzmetshilerdiń tartymdylyǵy men kásibıligin arttyrý maqsatynda olardy qoldaý úshin keshendi shara qabyldaý qajet. Bul týraly MQІA tóraǵasy Anar Jaıylǵanova agenttiktiń keńeıtilgen keńesinde aıtty.

«Damyǵan elder tájirıbesi kórsetkendeı, ońtaılandyrylǵan áleýmettik jeńildik paketteri men kepildikter memlekettik qyzmetke joǵary sanattaǵy mamandardy tartýǵa kómektesedi»,- dep atap ótti tóraǵa.

Anar Jaıylǵanova agenttikke tıesili aýmaqtyq bólimshe basshylaryna jergilikti organdardaǵy memlekettik qyzmetshilerdiń óz jumysyna kóńili tolatyn-tolmaıtynyna taldaý júrgizip, bir aı kóleminde usynystardy engizýdi tapsyrdy.

Memlekettik qyzmetshilerdi qoldaý sharalaryn ázirleý Prezıdent Qasym-Jomart Toqaevtyń «Igilik barshaǵa! Sabaqtastyq. Ádildik.Órleý» saılaýaldy baǵdarlamasy men «Birge» jalpyulttyq aktsııasynda qarastyrylǵan.