Memlekettik qyzmetshiler úsh tildi erkin meńgerýi tıis - Sh.Esimova

ASTANA. QazAqparat - Memlekettik qyzmetshiler úsh tildi erkin meńgerýi tıis. Bul týraly búgin QR Prezıdenti janyndaǵy Memlekettik basqarý akademııasynyń vıtse-rektory Sholpan Esimova málim etti.

«Memlekettiń, QR Prezıdentiniń saıasaty jáne qoldanystaǵy úshtildilik baǵdarlamasy qazirdiń ózinde memlekettik qyzmetshige tolyqqandy úsh tildi jetik meńgerýine múmkindik beredi», - dedi Sh.Esimova QR Prezıdenti janyndaǵy Ortalyq kommýnıkatsııalar qyzmetinde ótken brıfıngte.

Sonymen qatar ol qazirgi ýaqytta memlekettik organdarda qyzmet etetin shetelde bilim alǵan azamattardyń qatary kóp ekendigin atap ótti.

«Biz mınıstrlikterde «Bolashaq» baǵdarlamasymen nemese basqa da bilim berý baǵdarlamalary arqyly shetelde bilim alǵandardyń qatary kóp ekendigin bilemiz. Olardyń birqatary memlekettik qyzmette jumys isteýde. Bizder kóptegen sheteldik saparlarymyzdy aýdarmashylardyń kómeginsiz júzege asyratyndyǵymyz qýantady», - dedi ol.

Onyń atap ótýinshe, memlekettik qyzmetshiniń úsh tildi erkin meńgerýi jumysty jaqsartyp, ýaqytty únemdeýge septigin tıgizedi.

«ıAǵnı, biz aýdarmaǵa ýaqyt joǵaltpaımyz. Bul óte jaqsy úrdis jáne biz osy jolmen alǵa qaraı ilgerileı berýimiz qajet dep sanaımyn. Máselen, Eýropalyq odaq menedjeri úsh tildi bilýge mindetti. Tek sonda ǵana ol memlekettik qyzmette jumys isteı alady», - dedi ol.