Memlekettik qyzmetshiler sanatorııde qalaı demalady
«Oqjetpes» emdeý-saýyqtyrý kesheni» AQ prezıdenti Qaırat Berkinbaevtyń aıtýynsha, bir kúndik aqynyń eń tómengi mólsheri 15 myń teńgeni quraıdy. Ol aqshaǵa bes ret tamaqtanyp, kúni boıy emdeý protsedýralaryn alýǵa bolady. Lıýks nómirler 30 myń teńge tursa, VIP-ter sál qymbatqa shyǵady.
«Negizi, emdeý-saýyqtyrýdyń bir kýrsy 10 kúnge sozylady. Degenmen, keıbir memlekettik qyzmetshiler juma kúni keledi de, jeksenbige deıin demalyp ketedi. Zań boıynsha memlekettik qyzmetshilerge jylyna bir ret emdeý-saýyqtyrýǵa joldama beriledi. Olar Almaty-Oqjetpeske, ıa bolmasa, Almaty-Býrabaıǵa 10 kúnge, al Reseıdegi Oqjetpes-Esentýkıge 14 kúnge deıin joldama ala alady. Esentýkıge tórt kúnge artyq, sebebi baryp-keletin joly bar. Barlyǵy joldamaǵa kiredi», - dedi Q.Berkinbaev QazAqparat tilshisine bergen suxbatynda.
Onyń aıtýynsha, QR Prezıdenti is basqarmasy Medıtsınalyq ortalyǵynyń sanatorıı-kýrortyq uıymdarynda memlekettik qyzmetshilermen qatar qarapaıym xalyqty da qabyldaı beredi. Barlyǵyna qyzmettiń quny birdeı. Osy oraıda Q.Berkinbaev «memlekettik qyzmetshiler men qarapaıym xalyqqa eki bólek qyzmet kórsetedi» degen alyp-qashpa áńgimeni joqqa shyǵardy.
«Dárigerler barlyǵyna birdeı qaraıdy. Sebebi olar kimniń memlekettik qyzmetker, kimniń memlekettik qyzmetker emes ekenin bilmeıdi. Arnaıy beıdj de berilmeıdi. Naqty kezek bar. Eń bastysy, sony saqtaý qajet. Adam sanatorııge kelip, tirkelgen boıda onyń naqty qaı ýaqytta, qaı dárigerge baratyny týraly anyqtama beriledi. Sol boıynsha barlyǵyna birdeı qyzmet kórsetiledi», - dep atap kórsetti Q.Berkinbaev.
Foto:www.eurasiatravel.kz
