Memlekettik qyzmetshiler men jýrnalıster áleýmettik jelini tıimdi paıdalanýdy úırendi
Workshop barysynda jańa Targeting, SEO, SMM zamanaýı quraldaryn paıdalana otyryp, sapaly ári tartymdy jáne materıal jazyp, onyń jelide oqylymyn arttyrý qalaı júzege asyrylatyny úıretildi. Bul jóninde tolyq málimetti «Nur.kz» ınternet resýrstyń memlekettik mekemelermen jumys isteý dırektory Erjan Seıtqazınov, SMM bóliminiń basshysy Dılara Tolybaeva jáne jetekshi redaktory Leıla Temirhanqyzy dáris berdi.
«Memlekettik mekeme men BAQ ókilderiniń negizgi máselesi kommýnıkatsııanyń ornatylmaǵandyǵynda. Osy sharanyń arqasynda búgingi tańdaǵy medıa keńistikte ashyqtyq pen ózara yntymaqtastyqta júmys jasaý qanshalyqty mańyzdy ekenin túsindi dep oılaımyn», - dedi «Nur.kz» ınternet resýrsynyń jetekshi redaktory Leıla Temirhanqyzy.
«NUR.KZ - respýblıkalyq ınternet portaly 2009 jyldyń 4 naýryzynda óz jumysyn bastap, qazaqstandyq ınternet segmentindegi eń tanymal aqparattyq portal. Portal qazaqstandyq «Zero» reıtıngi boıynsha birinshi orynda. Sondyqtan da memlekettik mekeme qyzmetshileri men jýrnalıster atalǵan shara barysynda ózderin qyzyqtyrǵan suraqtarǵa jaýap alyp, ǵalamtorda, naqtyraq aıtsaq aqparattyq alańda jumys jasaýdy úırendi.
«Kóp jyldyq eńbek ótili bar jýrnalıst retinde Workshop óte qyzyqty ótti deı alamyn. Biz áleýmettik jelide resmı paraqshalardy joǵary deńgeıde qalaı júrgizý kerektigin bildik. Osy sharanyń arqasynda memlekettik mekeme qyzmetkerleri aqparattyq alańdańy jumystaryn durys kórsete alatynyna senemin», - dedi Sandýǵash Dúısenova.
Atalǵan sharada «Jaqsy taqyryp tańdaı bilý», «Oqylymdy kóbeıtý joldary», «TOP-5 kirý», «Reıtıngti kóterý», «PR tehnologııalar», «Imıdj qalyptastyrý» taqyryptarynda jáne press-relız jazýdyń qyr-syry, ınternet jýrnalıstıkasy jaıly aqparattar berilip, pikir almasý bolady.