Memlekettik qyzmetshiler arasynda voleıboldan jarys ótti
ASTANA. Mamyrdyń 31-i. QazAqparat - Astanada Týrızm jáne sport mınıstrligi uıymdastarǵan memlekettik qyzmetshiler arasyndaǵy sporttyq jarystar óz máresine jetti. Bul jarys Qazaqstan Prezıdenti Nursultan Nazarbaevtyń «Jańa Qazaqstan - jańa onjyldyq - Qazaqstannyń jańa múmkindikteri» atty Qazaqstan halqyna Joldaýyn iske asyrý jónindegi jalpyulttyq is-sharalar josparyna sáıkes buqaralyq sportty damytý maqsatynda ótti,
dep habarlaıdy QazAqparat.
Atap aıtqanda, keshe «Astana» sport kesheninde voleıboldan ótken jarystyń qorytyndysy shyǵaryldy. Barlyq qarsylastaryn utqan Ulttyq qaýipsizdik komıtetiniń komandasy bas júldeni jeńip aldy. Ekinshi orynda Bas prokýratýra, Іshki ister mınıstrliginiń komandasy úshinshi orynǵa ıe boldy. Voleıboldan ótken jarysqa barlyǵy 18 komanda qatysty.
Týrızm jáne sport mınıstrligi Sport komıtetiniń tóraǵasy Elsııar Qanaǵatov jarystyń jabylý sharasynda sóz sóılep, elimizde deni saý, bilimi men biliktiligi joǵary urpaq tárbıeleý úshin buqaralyq sportty damytýdyń mańyzdylyǵy zor ekenin aıtty.
Jeńimpaz ben júldeger komandalarǵa jarys kýbogy men dıplomy jáne baǵaly syılyqtar tabys etildi.
