Memlekettik qyzmetkerlerge smartfondy paıdalanýǵa salynǵan tyıym kúshine endi
Atap aıtqanda, buǵan deıin habarlanǵanyndaı, memlekettik qyzmetshiler jumys ýaqytynda foto-beıne kameralary bar, Internet jelisine qosylatyn gadjetterdi paıdalanbaıtyn bolady.
Degenmen, bundaı tyıymnyń jergiikti polıtsııa qyzmetkerlerine qatysy bolmaıdy. Máselen, QR Prezıdent Ákimshiligi Basshysynyń orynbasary Marat Beketaevtyń aıtýynsha, jergilikti polıtsııaǵa «WhatsApp» arqyly habarlamalar alýǵa múmkindik beriledi. «Jalpy, smartfon ustaýǵa tyıym salý týraly erejeni durystap oqysaq, ereje boıynsha qupııa qujattar bar mekemelerdiń qyzmetkerleri týraly aıtylǵan. Al, ýchaskelik polıtsııanyń jumys orny aýdandardyń aýmaǵyn qamtyıdy, sondyqtan, baılanys úshin oǵan smartfon kerek»,-dedi M.Beketaev.
Aıta keterligi, Іshki ister mınıstrligi Ákimshilik polıtsııa komıtetiniń tóraǵasy Igor Lepeha mundaı sheshimniń QR Premer-Mınıstr Keńsesimen kelisilgenin aıtqan bolatyn.
«Birqatar memlekettik organdardyń basym bóliginde 1 sáýirden, keıbirinde 4 sáýirden osy tyıym kúshine enedi. Bunyń merzimin árbir memlekettik organ ózderi belgileıdi. Al Іshki ister mınıstrligine kelsek, biz 1 sáýirden bastap qyzmetkerlerge smartfon nemese planshetti jumysqa ákelýge tyıym salatyn bolamyz. Basshylardan bastap, qazirdiń ózinde qarapaıym qalta telefondaryna, Internetke qosylmaıtyn telefondarǵa kóship jatyr», - degen bolatyn I.Lepeha.
Aıta keterligi, bundaı tyıymnyń engizilýine joǵary laýazymdy tulǵalardyń qoly qoıylǵan birqatar mańyzdy qujattardyń WhatsApp jáne Facebook jelisi arqyly jurtshylyqqa tarap ketýi sebep bolyp otyr. Osyǵan baılanysty, qyzmettik aqparattarǵa, memlekettik qupııalarǵa qoljetimdiligi bar qyzmetkerlerge smartfon paıdalanýǵa tyıym salynǵan.