Memlekettik qyzmetkerlerge qoıylatyn talap kúsheıtiledi - Memlekettik qyzmet isteri jónindegi agenttik
ASTANA. Jeltoqsannyń 3-i. QazAqparat /Aıdar Ospanalıev/ - Memleket basshysynyń memlekettik qyzmetti jetildirý maqsatynda bergen tapsyrmalary negizinde Memlekettik qyzmet isteri agenttigi birqatar sharalardy qolǵa aldy.
Bul máseleler jóninde búgin«Memlekettik qyzmet pen jańa basqarý sheshimderin quqyqtyq qamtamasyz etý» atty taqyrypta ótken dóńgelek ústel otyrysynda Memlekettik qyzmet isteri jónindegi agenttik tóraǵasynyń orynbasary Asqar Shomanov baıandady, dep habarlaıdy QazAqparat.
Onyń sózine qaraǵanda, qazirgi tańda agenttik tóraǵasynyń buıryǵymen memlekettik qyzmet júıesin jetildirý jóninde arnaıy jumys komıssııasy qurylyp, onyń quramyna Prezıdent ákimshiligi men Úkimet keńsesiniń ókilderi jáne birqatar mınıstrlikter men Memlekettik basqarý akademııasynyń qyzmetkerleri endi. Jaqynda atalmysh komıssııanyń alǵashqy otyrysy ótip, onda memlekettik qyzmet júıesin jetildirýge qatysty birqatar máseleler talqylanǵan. «Naqtyraq aıtqanda, komıssııada kóterilgen máseleler boıynsha memlekettik qyzmetke irikteýdi jetildirý úshin birinshi kezekte konkýrstyq protsedýralary damytý qajet bolyp otyr. Bul oraıda qazir bolashaq memlekettik qyzmetkerlerdiń jeke bas erekshelikteri men biliktilik deńgeıin birdeı anyqtaıtyn júıe engizý jaıy qarastyrylýda. Sondaı-aq saıası jáne ákimshilik kadr rezervin jasaqtaý jumystaryn da jańǵyrtý qajet bolyp otyr. Jalpy alǵanda, bul baǵyttaǵy jumystardy birshama kúrdelendirý kózdelip otyr. ıAǵnı memlekettik qyzmetke keletin azamat tek zańdy bilý jóninde ǵana emes, onyń jeke bas erekshelikterin de anyqtaıtyn test tapsyratyn bolady», dedi agenttik tóraǵasynyń orynbasary.
