Memlekettik qyzmetkerlerdiń jumysy bızneske aınalmaýy tıis - Prezıdent
ASTANA. QazAqparat - Memlekettik qyzmetkerlerdiń jumysy bızneske aınalmaýy tıis. Búgin Aqordada ótken QR Úkimetiniń keńeıtilgen quramdaǵy otyrysynda Elbasy Nursultan Nazarbaev osylaı dedi.
«Memlekettik qyzmetkerlerdiń jumysy bızneske aınalmaýy tıis. Memlekettik qarjyny fırmalarǵa, ózderiniń tanystaryna, dostaryna jáne týysqandaryna shashýlaryna jol bermeý kerek. Ókinishke qaraı, oblystyń úsh ákimine qatysty dál osy sebeppen tergeý amaldary júrgizildi. Sonymen qatar birqatar mınısterlikter men vedomstvolardyń basshylary qylmystyq jaýapkershilikke tartylýda», - dedi Elbasy.
Prezıdent basshylar komanda jınap, ol keıin Atyraý oblysyndaǵy sekildi bandyǵa aınalatyndyǵyn mysal etti.
Búginde atqarýshy bılikten halyq naqty ári tıimdi isterdi kútip turǵanyna toqtalǵan Elbasy, ákimder halyqqa jaqyn bolýy kerek, óńirlerdegi máselelerdi sheshýge bilek sybana kirisýileri qajet ekenin tapsyrdy.
