Memlekettik qyzmetkerlerdiń úshten biri «3» degen baǵa aldy

ASTANA. QazAqparat - Bıyl alǵash ret «B» korpýsyna kiretin memlekettik qyzmetshilerdiń jumysyn baǵalaý sharalary atqaryldy. Oǵan 64,5 myń memlekettik qyzmetker qatysty, dep habarlaıdy QazAqparat tilshisi Memlekettik qyzmet isteri jáne sybaılasjemqorlyqqa qarsy is-qımyl agenttiginiń baspasóz qyzmetine silteme jasap.

Baǵalaý qorytyndysy boıynsha qatysqan memlekettik qyzmetkerlerdiń 10,8 paıyzy «óte jaqsy» degen baǵaǵa ıe bolsa, 63,2 paıyzy «jaqsy» kórsetkishine jete aldy. Al 26 paıyzynyń jumysy «qanaǵattanarlyq» dep baǵalandy.«Qanaǵattanarlyq emes» degen baǵany alǵandar da bar.

Aǵymdaǵy jyly jeltoqsan aıynda «A» korpýsynyń qyzmetshilerin baǵalaý jumystary júrgiziledi degen jospar bar. Bul baǵalaýdyń qorytyndysy memlekettik qyzmetshilerdi materıaldyq yntalandyrýǵa tikeleı áser etedi.

Aıta keteıik, bıyldan bastap Qazaqstanda merıtokratııa qaǵıdalaryna men ashyq konkýrs arqyly irikteý negizinde memlekettik qyzmettiń mansaptyq modeli jumys isteı bastady. Osynyń arqasynda konkýrstan tys taǵaıyndaýlar men aýysýlar 25 esege (5300-den 226-ǵa deıin) qysqardy.