Memlekettik qyzmetkerlerdiń oılaý paradıgmasyn túbegeıli ózgertý kerek – Talǵat Qalıev

NUR-SULTAN. QazAqparat – Qoldanbaly etnosaıası zertteýler ınstıtýtynyń dırektory Talǵat Qalıev Qazaqstandaǵy sybaılas jemqorlyq problemasyna qatysty pikir bildirdi, dep habarlaıdy QazAqparat tilshisi.

«Sybaılas jemqorlyqtyń túbi tereń de jatyr, Keńes ókimeti dáýirinen qalǵan mura sekildi. Jemqorlyq tek para berý nemese alý ǵana emes, ol degenimiz protektsıonızm. Meniń bul jerde, máseleni sheshý úshin keshendi kerek. Jáne memlekettik qyzmetkerlerdiń oılaý paradıgmasyn túbegeıli ózgertý qajet. Eldegi jappaı tártipsizdikterden keıin halyq memlekettik qyzmetkerlerdiń is-áreketi men etıkalyq qabiletine erekshe talap qoıyp jatyr. Qoǵamnyń qanshalyqty talapshyldyǵyn kórip otyrmyz. Jańa Qazaqstandy damytýda azamattyq belsendilik jáne sybaılas jemqorlyqpen qoǵam bolyp kúresý arqyly máseleni sheshemiz dep oılaımyn», - dedi Talǵat Qalıev.

Instıtýt basshysynyń aıtýynsha, sybaılas jemqorlyqpen kúreste memlekettik júıeni ózgertse qoǵamnyń da qatynasy ózgeredi.

«Jemqorlyqpen kúres jol sekildi, eki jolaqtan turady. Memleket basshysynyń saıası kúshi men tapsyrmasynan bólek, qoǵamǵa da jaýapkershilik júkteledi. Sybaılas jemqorlyqpen kúreste qoǵam da tabandylyq tanytý kerek», - deıdi ol.

Buǵan deıin belgili qoǵam qaıratkeri Aıgúl Soloveva eldegi sybaılas jemqorlyq problemasyna qatysty oıyn ortaǵa salǵan edi .

Eske sala keteıik, keshe Memleket basshysy Qasym-Jomart Toqaev sybaılas jemqorlyqqa qarsy is-qımyl máseleleri jónindegi keńes ótkizdi.