Memlekettik qyzmetkerlerdiń kvotasy úshin «Bolashaqtyń» 200 stıpendııasy bólinedi
ASTANA. 19 shilde. QazAqparat - Bıyl «Memlekettik qyzmetker» sanaty boıynsha «Bolashaqtyń» 200-deı stıpendııasy beriledi, dep habarlady «Halyqaralyq baǵdarlamalar ortalyǵy» AQ prezıdenti Saıasat Nurbek pm.kz saıtyna bergen suhbatynda.
«Memlekettik basqarý», «Memlekettik saıasat», «Halyqaralyq qatynastar» mamandyqtary boıynsha memlekettik qyzmetkerlerdi daıarlaýdyń arnaıy kvotasyna 200 shaqty stıpendııa bekitilgen. Bul sheneýnikter men basqarý býynynyń jańa legin darıalaýdy qamtamasyz etedi», - dedi S.Nurbek.
Ortalyq basshysynyń aıtýyna qaraǵanda, ústimizdegi jyly barlyǵy 1186 stıpendııa bólingen. Olardy bólý kezinde tehnıkalyq mamandarǵa basymdyq berilgen.
«Injenerlik-tehnıkalyq blokqa basa nazar aýdardyq. Údemeli ındýstııalyq-ınnovatsııalyq damýdyń memlekettik baǵdarlamasyn, «Bıznestiń jol kartasyn» júzege asyrýǵa baılanysty qazir bizde ınjenerlik-tehnıkalyq kadrlarǵa suranys óte kóp», - dep atap ótti S.Nurbek.
«Sonymen qatar, «Halyqaralyq baǵdarlamalar ortalyǵynyń» prızıdenti «Bolashaq» baǵdarlamasy Qazaqstannyń 2020 jylǵa deıingi damýynyń Strategııalyq josparynyń quramdas bóligi bolyp tabylatyn 4 negizgi memlekettik baǵdarlamany júzege asyrýdy kadrlarmen qamtamasyz etýge baǵyttalǵandyǵyn aıtyp ótti. Bular - bilim berýdi, densaýlyq saqtaýdy, tildirdiń qoldanylýyn, údemeli ındýstrııany damytýǵa arnalǵan memlekettik baǵdarlamalar. Sondaı-aq, QR memlekettik qyzmetti damytýdyń jańa Tujyrymdamasyn júzege asyrý jeke blok retinde júredi.
«Bolashaq» baǵdarlamasy osy bes negizgi damý baǵdarlamalarynyń suranystaryn qanaǵattandyrý úshin jumys isteıdi», - dep qortyndylady sózin S.Nurbek.
