Memlekettik qyzmetkerlerdiń ekinshi orynǵa aýysýy 20 esege qysqardy
ASTANA. QazAqparat - Memlekettik qyzmetkerlerdiń bir orynnan ekinshi orynǵa aýysýy 20 esege qysqardy. Bul týraly búgin Ortalyq kommýnıkatsııalar qyzmetinde ótken baspasóz máslıxatynda QR Memlekettik qyzmet isteri mınıstrligi Memlekettik qyzmet departamentiniń dırektory Álı Kómekbaev málim etti.
«Memlekettik qyzmetkerlerdiń bir orynnan ekinshi orynǵa aýysýy 20 esege qysqardy. Máselen, byltyr konkýrs aıasynda laýazymǵa qabyldanǵandardyń ishinde memlekettik qyzmetkerlerdiń úlesi 4\1-di ǵana quraǵan bolatyn. Al 75 paıyzy memlekettik qyzmetkerler emes, memlekettik qyzmette istemegen adamdar edi. Memlekettik apparat syrttan keletin adamdarmen tolyǵyp keldi. Bıylǵy jyldyń birinshi toqsanyndaǵy kórsetkish onyń kerisinshe ózgergenin kórsetip otyr. Endi olardyń 4\3-i memlekettik qyzmetkerler. Qalǵany tómen laýazymdarǵa ashyq konkýrs arqyly ótkender», - dep atap ótti ol.
Onyń aıtýynsha, bul kórsetkish 2016 jyly kúshine engen «Memlekettik qyzmet týraly» zańǵa baılanysty bolyp otyr.
«Demek, Memlekettik qyzmet týraly jańa zańdaǵy mansaptyq ósý modeli tolyqtaı jumys isteı bastady degen sóz. Memlekettik organdardyń basshylary osy tetikti aınalyp óte almaıdy. Barlyǵy reglamenttelgen. Eger ol syrttan birden adam alatyn bolsa, ol zańdy buzǵany úshin jaýapkershilikke tartylady», - deıdi Á. Kómekbaev.
