Memlekettik qyzmetkerlerdi irikteý jumysyn kez kelgen adam baqylaı alady - Á.Báımenov
ASTANA. 5 qyrkúıek. QazAqparat - Búginde Qazaqstandaǵy memlekettik qyzmetti jetildirý jumysyna kez kelgen adam qatysa alady. Bul týraly búgin memlekettik qyzmetti jetildirý jónindegi Sarapshylar keńesiniń kezekti otyrysynda QR Memlekettik qyzmet isteri agenttiginiń tóraǵasy Álıhan Báımenov málim etti.
«Negizi, osy ýaqytqa deıin memlekettik qyzmetti jetildirý boıynsha biraz jumys atqaryldy. Osy oraıda bul jumysqa kez kelgen adamnyń qatysa alatyndyǵyn erekshe atap ótkim keledi. Onyń barlyǵy jańa zańda bar ári tıisti erejelermen bekitilgen. Búginde buqaralyq aqparat quraldarynyń árbir ókili, jalpy kez kelgen adam memlekettik qyzmet jónindegi barlyq konkýrstyq komıssııalardyń otyrystaryna baıqaýshy retinde qatysa alady. Men bilemin, zańnyń osy bir tusy oryndalatyn bolsa, memlekettik qyzmetke irikteý jumysy ashyq ári ádil júrgiziledi», - deıdi Á.Báımenov.
