Memlekettik qyzmetkerlerdi «A» korpýsyna irikteýdiń ekinshi kezeńi 2013 jyldyń sońynda jarııalanady
ASTANA. 19 qarasha. QazAqparat - Memlekettik qyzmetkerlerdi "A" korpýsyna irikteýdiń ekinshi kezeńi 2013 jyldyń sońynda jarııalanady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda QR Prezıdenti Ákimshiligi basshysynyń orynbasary Ǵabıdolla Ábdirahymov málim etti.
"Memleket basshysy tıisti tapsyrmalardy berdi, bul Jarlyqtar daıyndalyp jatyr, olar jaqyn arada bekitiledi. Qarashanyń sońyna deıin qol qoıylýy tıis. Sonyń negizinde basshylyq "A" korpýsyna qabyldaý jóninde baıqaý jarııalaıdy. Menińshe, bul jyl sońyna deıin jasalady jáne kelesi jyldyń basynda úmitkerler alǵashqy kezeńnen óte bastaıdy", - dedi ol.
Onyń sózine qaraǵanda, ekinshi irikteý qabyldaý baıqaýynyń ótkizilý erejelerine jáne memlekettik qyzmetti aıaqtaý protsedýralaryna tıisti ózgertýler engizilgennen keıin ótetin bolady.
