Memlekettik qyzmetkerler jańa konkýrstyq júıe boıynsha irikteledi
ASTANA. 4 qyrkúıek. QazAqparat - Búgin QR Memlekettik qyzmeti isteri agenttiginde jeti ákimshilik laýazym boıynsha irikteýdiń ashyq konkýrsy bastaldy.
Atalǵan bos qyzmet oryndarynyń árbireýine búginde 40 adam, tipti 60 adamǵa deıin ótinish bergen. Qyrkúıektiń 8-ine deıin jalǵasatyn konkýrstyń sońǵy kezeńi barysynda qatysýshylarmen suhbattasýlar ótkiziledi. Osydan keıin konkýrstyq irikteýdiń atalǵan júıesin barlyq memlekettik organdarǵa taratý josparlanyp otyr.
«Qazaqstannyń zańnamasyna sáıkes, bizge memlekettik qyzmetkerlerdi irikteý konkýrsyn ázirlep, ony árdaıym jetildirý mindeti júktelgen edi. Baıqap qarasaq, 2000-2011 jyldar aralyǵynda agenttiktiń ózinde ondaı konkýrs ótken de joq. Endi, osy konkýrsta jınaqtalǵan tájirıbe basqa da memlekettik organdarǵa taratylatyn bolady», - dep atap ótti QR Memlekettik qyzmeti isteri agenttiginiń tóraǵasy Álıhan Báımenov.
Aıta keteıik, QR Memlekettik qyzmeti isteri agenttigi ótkizip otyrǵan konkýrstyń nátıjesi qyrkúıektiń 9-y kúni belgili bolady.
