Memlekettik qyzmetkerler ózine tartý etilgen syılyqty memlekettik qorǵa tapsyrýǵa mindetti

ASTANA. QazAqparat - Memlekettik qyzmetkerler ózine tartý etilgen syılyqty memlekettik qorǵa tapsyrýǵa mindetti. Bul týraly búgin QR Sybaılas jemqorlyqqa qarsy is-qımyl ulttyq bıýrosy tóraǵasynyń orynbasary Alık Shpekbaev málim etti.

«Qolda bar zańnama boıynsha, olarǵa syılyq alýǵa tyıym salynǵan, alaıda syılyqty alýǵa týra keletin jaǵdaılar da eskerilgen. Mysaly, halyqaralyq kezdesýler kezinde tartý etilgen kádesyıdy qabyldaýǵa týra keledi. Degenmen, memqyzmetshi ony 7 táýlik ishinde memlekettik qorǵa tapsyrýǵa mindetti. Bizde ondaı oqıǵalar boldy. Burynǵy Aýyl sharýashylyǵy mınıstri jáne birqatar laýazymdy tulǵalar sheteldik áriptesteriniń syılyqtaryn memleketke ótkizgen bolatyn», - dedi ol búgin QR UKP otyrysynda.

Ulttyq bıýro tóraǵasynyń orynbasary atap ótkenindeı, quny 2 AEK-ten tómen syılyqtardy alǵany úshin tártiptik jáne ákimshilik jaýapkershilik taǵaıyndalady. Eger syılyq ol mejeden asyp ketse, syılyq para bolyp eseptelinedi.