Memlekettik qyzmetkerler «Elektrondy úkimettiń» damýyn tejep otyr degen pikirmen kelispeımin - Á.Báımenov
Esterińizde bolsa, budan buryn «Astana qalasynyń elektrondy ákimdigi» jobasynyń úılestirýshisiDáýren Topaev Qazaqstanda «Elektrondy úkimet» jobasyn damytýǵa kedergi bolyp otyrǵan negizgi sebepterdi ataǵan bolatyn. Onyń aıtýynsha, búginde memlekettik qyzmetkerlerdiń ózi elektrondy qyzmet kórsetý júıesin damytýǵa múddeli emes. Sebebi olar «Elektrondy úkimettiń» kelýimen ózderiniń qyzmet oryndarynan aıyrylamyz dep oılaıdy. QR Memlekettik qyzmet isteri agenttiginiń tóraǵasy Álıhan Báımenov bolsa, bul pikirmen kelispeıdi. «Menińshe, ol jaı alypqashpa sóz bolar. Sebebi elektrondy qyzmet kórsetý jaǵynan Qazaqstan álem boıynsha joǵary kórsetkishterge ıe. Negizi, elektrondy qyzmetterdi engizgen kezde, onyń bári kúndelikti ómirge beıimdelip otyrady», - deıdi Á.Báımenov.
