Memlekettik qyzmetke túserde úmitkerdiń jeke eptiligine de mán berilmek
ASTANA. QazAqparat - Memlekettik qyzmetke túserde úmitkerdiń jeke qasıetteri de eskeriletin bolady. Bul týraly búgin Ortalyq kommýnıkatsııalar qyzmetinde ótken brıfıngte Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi Jemqorlyq táýekelderin taldaý jáne anyqtaý basqarmasynyń basshysy Dınara Janenova málim etti.
Onyń aıtýynsha, kóp uzamaı memlekettik qyzmetke túsýge nıet tanytqan úmitkerlerge qoıylatyn biliktilik talaptary kúsheıtilmek.
«Qazirgi ýaqytta onyń jumys ótili men joǵary bilimniń bolýy talap etiledi. Biraq memlekettik qyzmette jumys túri ár túrli keledi. Bir jumys analıtıkalyq, ıaǵnı baıyptylyqty, bir orynda otyrýdy, qujattarmen jumys isteýdi talap etse, ekinshi biri uıymdastyrýshylyq qasıetterdi qajet etedi. Úshinshisi halyqpen jumys isteýdi, olarǵa keńester berýge negizdeledi. Soǵan baılanysty qyzmetkerlerden túrli mashyqtar, eptilik pen ıkemder qajet bolady. Sondyqtan biz memlekettik qyzmettegi barlyq laýazymdarǵa fýnktsıonaldyq sholý jasaýdamyz. Soǵan qarap, memqyzmetshiler quzyrynyń profılin jasaýdamyz. ıAǵnı memqyzmetke qajetti mashyq, ıkem men qasıetterdiń tizimi jasalady. Soǵan oraı, biz memlekettik qyzmetke túserde osy talaptardy biliktilik talaptaryna engizetin bolamyz», - dedi ol.
