Memlekettik qyzmetke túserde magıstratýra men sheteldik dıplom talap etilmek
ASTANA. QazAqparat - Memlekettik qyzmetke túserde magıstratýra men sheteldik dıplom talap etilmek. Bul týraly búgin Ortalyq kommýnıkatsııalar qyzmetinde ótken brıfıngte Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi Jemqorlyq táýekelderin taldaý jáne anyqtaý basqarmasynyń basshysy Dınara Janenova málim etti.
Onyń aıtýynsha, memqyzmetke túser aldynda úmitkerlerge birqatar joǵary talaptar qoıylatyn bolady.
«Taǵy bir aıta keterlik jaıt, talaptar qataryna magıstratýra, sonyń ishinde sheteldik magıstratýra deńgeıi engizilmek. Nemese, úmitkerdiń bilimi tolyqtaı sheteldik bilim bolýy kerek degen talap ta bolady. Bunyń sebebi, qazir memlekettik qyzmetkerler sheteldik áriptesterimen, sheteldik memlekettik organdarmen kóp jumys isteıdi. Sondyqtan, ár túrli kelissózder barysynda, qandaı da bir sheshim qabyldanarda, úkimettik qujattardy daıyndaǵanda bizdiń memlekettik qyzmetkerlerdiń bilimi básekege qabiletti bolý kerek. Sondyqtan, biz laýazymdardyń jekelegen túrleri úshin talapty kúsheıtpekpiz», - dep atap ótti D.Janenova.
