Memlekettik qyzmetke testileýdi tabys kózine aınaldyrǵan qylmystyq top músheleri sottaldy
ShYMKENT. QazAqparat - Shymkentte memlekettik qyzmetkerlerdiń ornyna test tapsyryp, tabys taýyp júrgen uıymdasqan qylmystyq topqa qatysty úkim shyqty. Ál-Farabı aýdandyq sotynda qaralǵan aty shýly iste segiz adam túrli merzimderge bas bostandyqtarynan aıyryldy, dep habarlaıdy QazAqparat tilshisi.
Aıta óteıik, sot otyrysy ótken jyldyń qazan aıynda bastalǵan bolatyn. Sýdıa Erkin Ospanovtyń sózinshe sot otyrysynda bas-aıaǵy 107 tomnan turatyn 19 adamnyń qylmystyq isi qaralǵan. Arasynda 2 áıel bar. Alty adam qamaýǵa alynyp, ózgeleri eshqaıda ketpeý jóninde qolhatpen bosatylǵan edi. Aıyptalýshylarǵa Qylmystyq kodekstiń 262, 383 jáne 385 baptary boıynsha qylmystyq is qozǵalǵan. Úsh aıǵa sozylǵan sot barysynda 80 kýágerden jaýap alyndy. Nátıjesinde 11 adam qylmystyq jazadan bosatyldy. Ózge aıyptalýshylarǵa túrli merzimdegi jazalar berildi.
«Uıymdasqan top belgili bir júıe boıynsha jumys jasaǵan. Atap aıtqanda, joǵary oqý oryndaryn bitirip júrgen túlekterdiń ornyna memlekettik qyzmetke qabyldaný úshin talap etiletin test tapsyryp otyrǵan. Kóbisi jumys istemeıdi, joǵary oqý ornyn bitirgender. Aqysyna 2-3 myń dollar alyp otyrǵan. Elimizdiń kez-kelgen qalasyna baryp otyrǵan. Sot barysynda uıymdasqan qylmystyq toptyń eki jyl ishinde 148 sheneýnikke kómekteskeni belgili boldy», - dedi Ál-Farabı aýdandyq sotynyń sýdıasy Erkin Ospanov.
Ál-Farabı aýdandyq soty shyǵarǵan úkim boıynsha uıymdasqan qylmystyq toptyń jetekshisi men toptyń uıymdastyrýshysy múlikteri tárkilenip, jeti jylǵa bas bostandyqtarynan aıyryldy. Al, alty aıyptalýshy bes jyldan jaza arqalady. Olardyń da múlikteri tárkilenedi. Aralarynda erli-zaıyptylar da bar. Barlyǵy jazalaryn jalpy tártiptegi kolonııada óteıdi dep belgilendi.
Aınur Aqbaeva
