Memlekettik qyzmetke shtattan tys sheteldik menedjerler tartylatyn bolady
«Kelisimshart boıynsha bekitilgen erejelerge saı, memlekettik qyzmetke shtattan tys sheteldik menedjerler tartylatyn bolady. Olarǵa jumysqa alýdyń erekshe erejeleri men talaptary qoldanylady. Mundaı tájirıbe Eýropa men Ońtústik-Shyǵys Azııa elderindegi qazirgi zamanǵy memlekettik basqarý júıesinde bar. Memlekettik organ basshylary sheteldik menedjerler qatarynan kandıdattardy kadrlyq saıasat jónindegi ulttyq komıssııanyń qaraýyna usynatyn bolady», - dep atap ótti ol.
Onyń aıtýynsha, jalpy memlekettik apparattyń básekege qabilettiligin jetildirip otyrý úshin jáne memlekettik qyzmetke salanyń naǵyz mamandaryn tartý maqsatynda azamattyq sektorlardan mamandar tartylyp otyrady. Olar ashyq baıqaý arqyly óte alady. Olardyń tájirıbesi nazarǵa alynady. Keıin Memlekettik qyzmet akademııasynda bilimderin jetildirý úshin oqytylady», - deıdi S.Ahmetjanov.
Al bul salaǵa birinshi ret jumysqa turýshylar úshin úsh kezeńdik baıqaý ótkiziledi.
Eske sala keteıik, QR Prezıdenti N.Nazarbaev jahandyq talaptarǵa jaýap retinde 5 ınstıtýtsıonaldy reformany jarııalap, iske asyrýdy usynǵan bolatyn. Osy reformalardyń arasyndaǵy eń mańyzdy kásibı memlekettik apparatty qurý jáne avtonomdy memlekettik qyzmetti jetildirý mindetteri júktelgen bolatyn. Osy maqsatta Memlekettik qyzmet isteri jáne jemqorlyqqa qarsy kúres agenttigi jańa reformany iske asyrýdy bastap ketken bolatyn.
