Memlekettik qyzmetke qabyldanar aldynda tapsyratyn test suraqtary qysqarady

ASTANA. QazAqparat – Memlekettik qyzmet isteri agenttiginiń tóraǵasy Darhan Jazyqbaev aldaǵy ýaqytta memlekettik qyzmet salasynda qandaı ózgerister bolýy múmkin ekenin málim etti, dep habarlaıdy QazAqparat tilshisi.

«Kandıdat memlekettik qyzmetke ornalasý úshin test tapsyrady. Buryn barlyǵy «Test qıyn, suraqtary aýyr» dep aıtatyn. Biz qazirgi tańda testileýdiń suraqtaryn qysqartyp jatyrmyz. Mysaly, qazir emtıhandy 9 zań jobasynan tapsyrý kerek bolsa, aldaǵy ýaqytta onyń sanyn 4-ke deıin qysqartsaq dep otyrmyz. Onyń ornyna biz adamı qasıetter, qabilet pen qundylyqtardy anyqtaý sııaqty tetikterdi engizemiz», - dep josparlarymen bólisti agenttik tóraǵasy.

Darhan Jazyqbaevtyń aıtýynsha, bıyl naýryz aıynan bastap 5 memlekettik organǵa qyzmetkerlerdi qabyldaý onlaın júrgizilip jatyr.