Memlekettik qyzmetke irikteý konkýrsy endi onlaın júrgiziledi - agenttik

ASTANA. QazAqparat – Memlekettik qyzmetke irikteý konkýrsy onlaın túrde ótkiziledi. Bul týraly Memlekettik qyzmet isteri agenttigi tóraǵasynyń orynbasary Azamat Jolmanov málim etti, dep habarlaıdy QazAqparat tilshisi.

«Memlekettik qyzmetke irikteý jáne qabyldaý rásimin ońaılatý, azamattar úshin memlekettik qyzmettiń barynsha ashyqtyǵy men qoljetimdiligin qamtamasyz etý maqsatynda memlekettik qyzmetke irikteýdiń avtomattandyrylǵan algorıtmi ázirlendi. Memlekettik qyzmetke irikteýdi tsıfrlandyrý «E-qyzmet» júıesin jańǵyrtý arqyly júzege aspaq. Konkýrstyq rásimniń barlyq kezeńderi onlaın túrde qashyqtan ótkiziledi. Endi azamattarymyz álemniń kez kelgen núktesinen jáne qalaǵan ýaqytynda konkýrsqa qatysa alady», - dedi Memlekettik qyzmet isteri agenttigi tóraǵasynyń orynbasary.

Bul baǵytta sybaılas jemqorlyqqa jol bermeý úshin irikteý kezeńderinen ótý kezinde úmitkerge ID nómir beriledi. Azamat Jolmanovtyń sózinshe, konkýrs rásimniń ashyqtyǵyn táýelsiz baqylaý júıesi qamtamasyz etedi. Osylaısha, jańa irikteý formatyna sáıkes, konkýrstyń qorytyndylary aqparattyq júıemen derbes shyǵarylady.