Memlekettik qyzmet týraly jańa zań azamattar aldynda memlekettiń jaýapkershiligin arttyrady
ASTANA. 29 mamyr. QazAqparat - Búgin Astanada memlekettik qyzmet kórsetýler týraly zańdy oryndaý maqsatymen qabyldanyp jatqan jańa bastamalardy tanystyrý rásimine arnalǵan dóńgelek ústel ótti. Onda memlekettik qyzmet tutynýshylarynyń quqyqtary men mindetterin keńeıtý, memlekettik qyzmet kórsetýler reglamenti men standarttaryna qatysty talaptardy jetildirý, memlekettik qyzmet kórsetýlerdiń jańa Reestrin ázirleý jónindegi máseleler talqylandy.
«Jańa zań tutynýshylar quqyqtarynyń keńeıýi men memlekettiń qyzmet kórsetýler sapasynyń jaqsarýyn qadaǵalaıtyn bolady. Jańa zań boıynsha memlekettik qyzmet kórsetý kezinde tutynýshylardyń zańdy quqyqtary men múddeleri buzylǵan jaǵdaıda shaǵymdaný ınstıtýty engizildi. Sonymen qatar, memlekettik qyzmet kórsetýler reglamenti men standarttarynyń talaptary kúsheıtildi, árbir azamat memlekettik qyzmet kórsetýler standarttarynyń jobalaryn talqylaýǵa jáne memqyzmet kórsetýler tártibi men sapasy týraly aqparattandyrylýǵa tartylady», - dep atap ótti QR Ekonomıka jáne bıýdjettik josparlaý mınıstrliginiń jaýapty hatshysy Dına Shajenova.
Sondaı-aq, onyń aıtýynsha, Zań basqarýshylyq sheshimder qabyldaýda azamattar men qoǵamdyq birlestikter rólin arttyrýda memlekettik qyzmet kórsetýlerge qoǵamdyq monıtorıng júrgizý múmkindikterinn beredi.
Aıta ketý kerek, dóńgelek ústel QR Ekonomıka jáne bıýdjettik josparlaý mınıstrliginiń jáne BUU Damý baǵdarlamasynyń birlesken jobasy sheńberinde ótti.
