Memlekettik qyzmet standarttaryna ózgerister engizildi

Qazaqstan Respýblıkasy Úkimetiniń qaýlysy

Qazaqstan Respýblıkasy Úkimetiniń «Paıdalanýshyny avıatsııalyq jumystarǵa jiberý qaǵıdasyn bekitý týraly» 2010 jylǵy 18 qazandaǵy № 1069 jáne «Azamattyq avıatsııa salasyndaǵy memlekettik qyzmet standarttaryn bekitý jáne «Jeke jáne zańdy tulǵalarǵa kórsetiletin memlekettik qyzmetterdiń tizilimin bekitý týraly» Qazaqstan Respýblıkasy Úkimetiniń 2010 jylǵy 20 shildedegi № 745 qaýlysyna ózgerister engizý týraly» 2012 jylǵy 13 qyrkúıektegi № 1195 qaýlylaryna ózgerister engizý týraly

Qazaqstan Respýblıkasynyń Úkimeti qaýly etedi: 1. Qazaqstan Respýblıkasy Úkimetiniń keıbir sheshimderine mynadaı ózgerister engizilsin: 1) «Paıdalanýshyny avıatsııalyq jumystarǵa jiberý qaǵıdasyn bekitý týraly» Qazaqstan Respýblıkasy Úkimetiniń 2010 jylǵy 18 qazandaǵy №1069 qaýlysynda (Qazaqstan Respýblıkasynyń PÚAJ-y, 2010 j., № 55, 533-qujat): kórsetilgen qaýlymen bekitilgen Paıdalanýshyny avıatsııalyq jumystarǵa jiberý qaǵıdasy (budan ári - Qaǵıda) osy qaýlyǵa 1-qosymshaǵa sáıkes jańa redaktsııada jazylsyn; 2) «Azamattyq avıatsııa salasyndaǵy memlekettik qyzmet standarttaryn bekitý jáne «Jeke jáne zańdy tulǵalarǵa kórsetiletin memlekettik qyzmetterdiń tizilimin bekitý týraly» Qazaqstan Respýblıkasy Úkimetiniń 2010 jylǵy 20 shildedegi № 745 qaýlysyna ózgerister engizý týraly» Qazaqstan Respýblıkasy Úkimetiniń 2012 jylǵy 13 qyrkúıektegi № 1195 qaýlysynda (Qazaqstan Respýblıkasynyń PÚAJ-y, 2012 j., № 71, 1027-qujat): kórsetilgen qaýlymen bekitilgen «Avıatsııalyq jumystardy oryndaýǵa arnalǵan kýálikti berý» memlekettik qyzmet standartynda: 7-tarmaqtyń 1) tarmaqshasy mynadaı redaktsııada jazylsyn: «1) memlekettik qyzmetti kórsetý merzimi kúntizbelik 30 kúndi quraıdy (qajet bolǵan jaǵdaıda, kúntizbelik 30 kúnnen aspaıtyn merzimge uzartý múmkindigimen);»; 8-tarmaq mynadaı redaktsııada jazylsyn: «8. Memlekettik kórsetiletin qyzmet aqyly bolyp tabylady. Avıatsııalyq jumystardy oryndaıtyn paıdalanýshyny sertıfıkattaǵany úshin «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksinde (Salyq kodeksi) aıqyndalǵan tártippen jáne mólsherde alym alynady. Memlekettik kórsetiletin qyzmet memlekettik bıýdjetke kórsetilgen alym tólengennen keıin júzege asyrylady. Shtat sanyna baılanysty avıatsııalyq jumystardy oryndaıtyn paıdalanýshyny sertıfıkattaǵany úshin alym mólsherlemeleri mynalardy quraıdy: 1) qosa alǵanda 50 adamǵa deıin - alym tólenetin kúni qoldanystaǵy 743 aılyq eseptik kórsetkish; 2) 51 adamnan qosa alǵanda 200 adamǵa deıin - alym tólenetin kúni qoldanystaǵy 831 aılyq eseptik kórsetkish; 3) 201 adamnan qosa alǵanda 400 adamǵa deıin - alym tólenetin kúni qoldanystaǵy 871 aılyq eseptik kórsetkish; 4) 401 adamnan qosa alǵanda 600 adamǵa deıin - alym tólenetin kúni qoldanystaǵy 918 aılyq eseptik kórsetkish; 5) 601 adamnan qosa alǵanda 1200 adamǵa deıin - alym tólenetin kúni qoldanystaǵy 962 aılyq eseptik kórsetkish; 6) 1201 adamnan qosa alǵanda 2000 adamǵa deıin - alym tólenetin kúni qoldanystaǵy 1006 aılyq eseptik kórsetkish; 7) 2001 adamnan astam - alym tólenetin kúni qoldanystaǵy 1057 aılyq eseptik kórsetkish.»; 11-tarmaq mynadaı redaktsııada jazylsyn: «11. Memlekettik kórsetiletin qyzmetti alý úshin memlekettik kórsetiletin qyzmetti alýshy nemese senimhat boıynsha onyń ýákiletti ókili kýálik alý úshin ýákiletti organǵa mynadaı qujattarmen qosa osy standartqa 1-qosymshaǵa sáıkes nysan boıynsha ótinish beredi: 1) avıatsııalyq jumystardy oryndaıtyn paıdalanýshyny sertıfıkattaǵany úshin alymnyń tólengeniń rastaıtyn qujat; 2) kýáliktiń* kóshirmesi nemese zańdy tulǵany memlekettik tirkeý (qaıta tirkeý) týraly anyqtama. Eskertpe: * «Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri boıynsha ózgerister men tolyqtyrýlar engizý týraly» 2012 jylǵy 24 jeltoqsandaǵy Qazaqstan Respýblıkasynyń Zańy qoldanysqa engizilgenge deıin berilgen zańdy tulǵany (fılıaldy, ókildikti) memlekettik (eseptik) tirkeý (qaıta tirkeý) týraly kýálik zańdy tulǵanyń qyzmeti toqtatylǵanǵa deıin jaramdy bolyp tabylady; 3) ótinish berýshi jarǵysynyń jáne quryltaı shartynyń kóshirmeleri; 4) ótinish berýshiniń mynany qamtıtyn aqparaty: ótinish berýshi qyzmetiniń negizgi orny; ushýdyń boljamdy túrleri; ushý jumysyn uıymdastyrý; ushý jaramdylyǵyn qoldaý júıesi; ushýdy qamtamasyz etý; ushý personalynyń jáne tehnıkalyq personaldyń ázirligi; tehnıkalyq qyzmet kórsetý obektileriniń ázirligi; áýe kemeleriniń ázirligi; 5) basqarma qurylymy jáne laýazymy, T.A.Á., bilimi, biliktiligi jáne jumys tájirıbesi kórsetilgen jaýapty tulǵalar; 6) mynadaı basshylardyń taǵaıyndalǵanyn rastaıtyn qujattar: ushý qyzmeti; ushý qaýipsizdigi boıynsha ınspektsııa; ushý jaramdylyǵyn qoldaý boıynsha; sapany baqylaý boıynsha; avıatsııalyq qaýipsizdik boıynsha; personaldy daıarlaý boıynsha; 7) úlgisi, modeli, serııasy, ulttyq jáne tirkeý belgileri, ushýǵa jaramdylyq sertıfıkattary, radıostantsııalarǵa arnalǵan ruqsattar, jergilikti jerdegi (eger kózdelgen bolsa) shýyl boıynsha sertıfıkattary kórsetilgen áýe kemeleriniń tizimi. Áýe kemelerin jalǵa alǵan jaǵdaıda jalǵa alý (lızıng) sharttaryn kórsetý qajet; 8) ushý personalyn jáne jerdegi personaldy daıarlaý men attestattaýdy uıymdastyrý jónindegi aqparat; 9) ushýdy júrgizý boıynsha nusqaýlyqtyń bir bóligi bolyp tabylatyn nemese jeke qujat retinde ázirlengen personaldy alǵashqy daıarlaý jáne qaıta daıarlaý jónindegi baǵdarlama (nusqaý); 10) ushýdy júrgizý jónindegi nusqaý; 11) tehnıkalyq qyzmet kórsetýdi retteý jónindegi paıdalanýshy nusqaýy; 12) áýe kemelerine tehnıkalyq qyzmet kórsetý baǵdarlamasy (reglament); 13) sertıfıkattalǵan eń joǵary ushyp kóterilý massasy 5700 kg astam áýe kemelerin paıdalanatyn paıdalanýshylar úshin ushý qaýipsizdigin basqarý jónindegi nusqaý; 14) baılanys rásimderin (dispatch) qosa alǵanda, ushýdyń oryndalýyn basqarý jáne oǵan baqylaýdy uıymdastyrý jónindegi aqparat (dispatch); 15) Qazaqstan Respýblıkasynyń mindetti saqtandyrý túrleri týraly zańdaryna sáıkes mindetti saqtandyrýdyń saqtandyrý polısteriniń kóshirmeleri; 16) paıdalanýshynyń óz avıatsııalyq qyzmetiniń qajetti túrlerin qamtamasyz etýge arnalǵan sharttardyń kóshirmeleri; 17) paıdalanýshy basshysy bekitetin áýe kemelerin boıaý úlgileri men mátindik sıpattamasy; 18) azamattyq avıatsııa qyzmetine zańsyz aralasý aktileriniń aldyn alý jónindegi sharalar týraly qujattar; 19) paıdalanýshynyń ózi nemese sharttyq negizde júzege asyratyn ushý jumystaryn jerde qamtamasyz etý jónindegi aqparat; 20) jumys túrleri kórsetilgen, syrtqy uıymdarmen tehnıkalyq qyzmet kórsetý sharttarynyń tizbesi; 21) syrtqy uıymdarmen ushý jaramdylyǵyn qoldaýǵa arnalǵan sharttardyń kóshirmeleri. Joǵaryda kórsetilgen barlyq qujattardyń kóshirmeleri memlekettik kórsetiletin qyzmetti alýshynyń qolymen jáne mórimen kýálandyrylady. Memlekettik kórsetiletin qyzmetti alýshy avıatsııalyq jumystardy oryndaýǵa arnalǵan kýáliktiń telnusqasyn alý úshin ýákiletti organǵa qajetti negizdemesi jáne osy standartta kózdelgen tártippen buryn berilgen avıatsııalyq jumystardy oryndaýǵa arnalǵan kýálikpen qosa (joǵaltý (urlaý) jaǵdaılarynan basqa) erkin nysandaǵy ótinishti usynady.»; 16-tarmaq mynadaı redaktsııada jazylsyn: «16. Eger memlekettik kórsetiletin qyzmetti alýshyǵa qatysty atalǵan qyzmet túrin kórsetýge tyıym salatyn sot sheshimi bolsa, memlekettik qyzmetti usynýdan bas tartylady. Memlekettik kórsetiletin qyzmetti alýshyǵa osy standarttyń 7-tarmaǵynda kórsetilgen merzimde bas tartýdyń sebepteri kórsetilip, jazbasha túrde dáleldi jaýap beriledi. Ýákiletti organ memlekettik kórsetiletin qyzmetti alýshynyń qujattaryn alǵan sátten bastap 3 (úsh) jumys kúni ishinde usynylǵan qujattardyń tolyqtyǵyn tekserýge mindetti. Usynylǵan qujattardyń tolyq bolmaý faktisi anyqtalǵan jaǵdaıda, ýákiletti organ kórsetilgen merzimde ótinishti odan ári qaraý týraly jazbasha dáleldi bas tartý beredi. Memlekettik kórsetiletin qyzmetti alýshy memlekettik qyzmetti alǵanǵa deıin mynadaı talaptardy saqtaýy tıis: 1) memlekettik kórsetiletin qyzmetti alýshy usynǵan qyzmetter sertıfıkattyq talaptarǵa sáıkes kelýi tıis; 2) túzetý is-qımyldarynyń josparynda kórsetilgen sáıkessizdikter jalpy sertıfıkattaý merzimi sheńberinde joıylýy tıis.»; 21 jáne 22-tarmaqtar mynadaı redaktsııada jazylsyn: «21. Kórsetilgen memlekettik qyzmet nátıjesimen kelispegen jaǵdaıda, shaǵym Qazaqstan Respýblıkasy Kólik jáne kommýnıkatsııa mınıstrligine 010000, Astana qalasy, Qabanbaı batyr dańǵyly 32/1 mekenjaıy boıynsha beriledi, elektrondyq poshtanyń mekenjaıy: mtc@mtc.gov.kz, keńse telefony: 8 (717 2) 24-14-19. Memlekettik kórsetiletin qyzmetti alýshynyń shaǵymy tirkelgen kúninen bastap bes jumys kúni ishinde qaralady. Ýákiletti organnyń jumys kestesi: demalys jáne mereke kúnderin qospaǵanda, saǵat 13:00-den 14:30-ǵa deıin túski úzilispen, kún saıyn saǵat 9:00-den 18:30-ǵa deıin. 22. Kórsetiletin qyzmet durys kórsetilmegen jaǵdaıda, shaǵym ýákiletti organ basshysynyń atyna myna: 010000, Astana qalasy, Qabanbaı batyr dańǵyly 32/1 mekenjaıy boıynsha beriledi, elektrondyq poshtanyń mekenjaıy: kga_info@mtc.gov.kz, qabyldaý bólmesiniń telefony: 8 (7172) 24-26-05. Memlekettik kórsetiletin qyzmetti alýshynyń shaǵymy ony tirkegen kúnnen bastap bes jumys kúni ishinde qaralady. mynadaı mazmundaǵy 22-1-tarmaqpen tolyqtyrylsyn: «22-1. Memlekettik kórsetiletin qyzmetti alýshy kórsetilgen memlekettik qyzmet nátıjelerimen kelispegen jaǵdaıda, memlekettik qyzmetter kórsetý sapasyn baǵalaý jáne baqylaý jónindegi ýákiletti organǵa shaǵymdana alady. Memlekettik kórsetiletin qyzmetti alýshynyń shaǵymy ony tirkegen kúnnen bastap on bes jumys kúni ishinde qaralady.»; kórsetilgen standartqa 1-qosymsha osy qaýlyǵa 2-qosymshaǵa sáıkes jańa redaktsııada jazylsyn. 2. Osy qaýly Qaǵıdanyń 2014 jylǵy 1 qańtardan bastap qoldanysqa engiziletin 1-tarmaǵy 2) tarmaqshasynyń besinshi, altynshy, jetinshi, segizinshi, toǵyzynshy, onynshy, on birinshi, on ekinshi, on úshinshi, on tórtinshi, on besinshi jáne on segizinshi abzatstaryn, sondaı-aq 4-tarmaǵyn, 8-tarmaǵynyń 1) tarmaqshasyn qospaǵanda, alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri S.AHMETOV.

Qaýlynyń qosymshalary respýblıkalyq basylymdarda jarııalandy.