«Memlekettik qyzmet mektebi» jańa oqý jylyna talapkerlerdi qabyldaýdy bastady
ASTANA. 13 naýryz. QazAqparat - «Memlekettik qyzmet mektebi» jańa oqý jylyna talapkerlerden qujattardy qabyldaı bastady.
Búgin L.N.Gýmılev atyndaǵy Eýrazııa ulttyq ýnıversıtetinde atalmysh mekteptiń jańa oqý jylyna qabyldaý baıqaýynyń talaptaryn túsindirýge arnalǵan jıyn ótti.
«Memlekettik qyzmet mektebi» jobasy elimizde QR Memlekettik qyzmet isteri agenttiginiń jáne Qazaqstan Jastar kongresiniń arasyndaǵy kelisimderine sáıkes 2006 jyldan beri iske asyrylyp keledi. Mektepke qabyldaý konkýrstyq negizde júrgiziledi. Bolashaq memlekettik qyzmetkerler úsh aı boıy teorııalyq jáne praktıkalyq taǵylymdamadan ótedi.
Mektep 2-4 kýrstarda oqıtyn stýdentterdiń qatarynan jyl saıyn 40-50 adamǵa deıin oqýshy qabyldaıdy.
Jobany uıymdastyrýshylardyń aqparaty boıynsha, 2011 jyly «Memlekettik qyzmet mektebinde» 50-ge jýyq jas daıarlyqtan ótti jáne olardyń basym bóligi memlekettik organdarǵa qyzmetke ornalasty.
