Memlekettik qyzmet kórsetýge qandaı ózgerister engizildi
QR Tsıfrlyq damý, ınnovatsııa jáne aeroǵarysh ónerkásibi mınıstrliginiń málimdeýinshe, memlekettik qyzmetterdi kórsetý týraly arnaıy zańda qarastyrylǵan negizgi jańalyqtardyń biri - memlekettik qyzmetterdi proaktıvti rejımde usyný.
«ıAǵnı, memleket adamnyń ózine júginýin kútpeıdi, kerisinshe olarǵa memlekettik qyzmetti usynady. Mysaly, sábı dúnıege kelgende ony tirkeý, járdemaqynyń eki túrin taǵaıyndaý jáne balabaqshaǵa kezekke qoıý qyzmetteri usynylady. Pılottyq rejımde bul qyzmet 120 myń náresteniń analaryna kórsetildi», - dep habarlady mınıstrlik.
Sonymen birge, turǵyndar bir ótinim arqyly birneshe uqsas memlekettik qyzmetti ala alady.
«Máselen, múgedek balalardyń ata-anasy olardy emdeýge, oqýǵa jáne ońaltýǵa arnalǵan 6 memlekettik qyzmet alyp júr. Olar memlekettik organdarǵa 6 ret baryp, 6 qujat paketin ázirleýi kerek. Endi olarǵa bir ótinishpen júginý jetkilikti, soǵan sáıkes barlyq 6 qyzmet bir ýaqytta kórsetiledi», - deıdi mınıstrlik.
Mundaı kompozıttik tásil 21 memlekettik qyzmetke engiziletin bolady.
Sonymen birge, endi kósheler men eldimekenderdiń ataýy ózgergende málimetter bazasyndaǵy mekenjaılar avtomatty túrde ózgeredi. Eksterrıtorııalyq prıntsıpke de qoldaý kórsetiledi, ıaǵnı azamat eldiń kez-kelgen aımaǵynda bolsa da, azamattyq hal aktilerin tirkeý boıynsha memlekettik qyzmetterdi ala alady.
