Memlekettik qyzmet kórsetýdi damytý jónindegi Qoǵamdyq keńestiń jumys toby múshelerin saılaýǵa konkýrs jarııalanady

ASTANA. QazAqparat - QR-dyń «Qoǵamdyq keńester týraly» Zańynyń (2015 jylǵy 2 qarashadaǵy № 383-V) 8-babynyń 1 jáne 5-tarmaqtaryna (budan ári - Zań) jáne QR Úkimetiniń 2015 jylǵy 31 jeltoqsandaǵy № 1194 qaýlysymen bekitilgen úlgilik erejesine sáıkes, QR Aqparat jáne kommýnıkatsııalar mınıstrligi aqparat, aqparattyq kommýnıkatsııalyq tehnologııalar jáne memlekettik qyzmet kórsetý salalaryn damytý máseleleri jónindegi Qoǵamdyq keńesti qurý boıynsha Jumys tobynyń múshelerin saılaý týraly konkýrs jarııalaıdy.

Bul týraly mic.gov.kz saıtynda habarlandy. 

Kommertsııalyq emes uıymdardyń ókilderi jáne azamattar konkýrs týraly habarlandyrý jarııalanǵannan keıin 10 kúndik merzimde mınıstrlikke jazbasha túrde jumys tobyna kandıdatýralar boıynsha usynystardy jiberedi. Óziniń usynystaryn jibergen árbir kommertsııalyq emes uıym jáne árbir azamat bir ǵana kandıdatty usyna alady.

Jumys tobyna úmitkerlerge azamattyq qoǵamnan Zańnyń 10-babynyń 1-tarmaǵyna sáıkes talaptar qoıylady.

Úmitkerlerge talaptar:

1. Qazaqstan Respýblıkasynyń on segiz jasqa tolǵan azamaty úmitker bola alady.

2. Úmitker:

1) sottalǵandyǵy bolmaýy;

2) sot zańda belgilengen tártippen sybaılas jemqorlyq qylmys jáne (nemese) sybaılas jemqorlyq quqyq buzýshylyq jasaýda kináli dep tanymaǵan bolýy;

3) psıhıkalyq aýrýǵa, alkogolızmge, nashaqorlyqqa nemese ýytqumarlyqqa baılanysty densaýlyq saqtaý uıymdarynda esepte turmaýǵa tıis.

Konkýrsty ótkizý merzimi: 2016 jylǵy 11 shildege deıin.