Memlekettik qyzmet kórsetý sapasyna qoǵamdyq monıtorıng júrgiziletin bolady - E. Dosaev
ASTANA. 23 qańtar. QazAqparat - Memlekettik qyzmet kórsetý sapasyna qoǵamdyq monıtorıng júrgiziletin bolady.
Búgin Májilistiń jalpy otyrysynda «Memlekettik qyzmet kórsetý týraly» zań jobasy boıynsha baıandama jasaǵan Ekonomıka jáne bıýdjettik josparlaý mınıstri Erbolat Dosaev osylaı málim etti.
Mınıstrdiń aıtýynsha, zań jobasynda memlekettik qyzmetterdi tutynýshylardyń quqyqtaryn zańnamalyq reglamentteý, sondaı-aq memlekettik qyzmetter kórsetý sapasyna qoǵamdyq monıtorıng, baǵalaý men baqylaý júrgizý qarastyrylǵan. «Qoǵamdyq monıtorıngti birinshiden, akredıttelgen kommertsııalyq emes uıymdar, ekinshiden jeke tulǵalar, kommertsııalyq emes uıymdar óz bastamalary boıynsha jáne óz esebimen júrgize alady. Memlekettik qyzmetter kórsetý sapasyn baǵalaýdy jáne syrtqy baqylaý men baǵalaýdy osy baǵyttaǵy ýákiletti organ júrgizedi. Al ishki baqylaýdy qyzmet kórsetýshi memlekettik organdardyń ózderi júrgizetin bolady», - deıdi mınıstr Erbolat Dosaev.
Onyń aıtýynsha, zań jobasymen memlekettik qyzmetter kórsetý týraly zańnamany buzǵany úshin tártiptik jaýapkershilik engiziledi.
