Memlekettik qyzmet kórsetý sapasy tómen mınıstrlikter anyqtaldy
QR Memlekettik qyzmet isteri agenttigi tóraǵasynyń orynbasary Saıan Ahmetjanovtyń habarlaýynsha, osyǵan oraı arnaıy zertteý júrgizilgen.
«Sońǵy 8 aıdyń ishinde 57 mln.-nan astam memlekettik qyzmet kórsetildi. Osy ýaqyt aralyǵynda memlekettik organdar 8 myńnan astam quqyq buzýshylyqtarǵa jol berdi. Onyń basym bóligi memlekettik qyzmetti ýaqytynda oryndamaýǵa baılanysty. Osylaısha, eń kóp quqyq buzýshylyqtar QR Іshki ister mınıstrligine tıesili. Onyń enshisinde 4 myńnan astam, ıaǵnı barlyq quqyq buzýshylyqtardyń 52 paıyzy bar. Odan keıin QR Óńirlik damý mınıstrligi (666 quqyq buzýshylyq) jáne QR Ádilet mınıstrligi (513 quqyq buzýshylyq) keledi», - dep atap kórsetti S.Ahmetjanov. Al jergilikti atqarýshy organdarynyń ishinde Mańǵystaý oblysy jáne Almaty qalasy kósh bastap tur.
