Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń eki orynbasary taǵaıyndaldy
Qazaqstan Respýblıkasynyń Prezıdenti Nursultan Nazarbaevtyń Ókimderimen Memlekettik qyzmet isteri jáne Sybaılas jemqorlyqqa qarsy is-qımyl agenttigi tóraǵasynyń orynbasary retinde Aıgúl Amantaıqyzy Shaıymova jáne Alık Jatqambaıuly Shpekbaev taǵaıyndaldy.
***
Aıgúl Shaımova 1979 jyldyń 12-qańtarynda Tselınograd oblysynyń Marınov aýdanynda týǵan.
1999 jyly L.Gýmılev atyndaǵy Eýrazııa Ulttyq ýnıversıtetin, 2004 jyly Qarjy polıtsııasy akademııasyn bitirgen.
Eńbek jolyn 2000 jyly QR Qarjy polıtsııasynyń Quqyqtyq qamtamasyz etý jáne halyqaralyq baılanys basqarmasynyń erekshe ister jónindegi kishi ınspektory qyzmetinen bastady.
2002-2004 jyldar aralyǵynda Qarjy polıtsııasy agenttiginiń Quqyqtyq qamtamasyz etý jáne halyqaralyq yntymaqtastyq agenttiginiń quqyqtyq saraptama bóliminiń bastyǵy boldy.
2004-2011 jyldary Aıgúl Shaımova QR Ekonomıkalyq jáne sybaılas jemqorlyq qylmystarymen kúres agenttiginiń Quqyqtyq qamtamasyz etý jáne halyqaralyq yntymaqtastyq basqarmasy bastyǵynyń orynbasary qyzmetin atqardy.
2011-2012 jyldary QR Ekonomıkalyq jáne sybaılas jemqorlyq qylmystarymen kúres agenttigi tóraǵasynyń keńesshisi boldy.
2012-2013 jyldary QR Bas prokýrorynyń aǵa keńesshisi, QR Bas prokýratýrasy apparatynyń Aqparattyq-taldaý basqarmasyna qarasty Strategııalyq taldaý ortalyǵyn basqardy.
2013-2014 jyldary QR Qaýipsizdik Keńesiniń Sıtýatsııalyq ortalyǵy meńgerýshisiniń orynbasary qfzmetin atqardy.
2015 jyldyń qazany men 2016 jyldyń qańtary aralyǵynda QR Memlekettik qyzmet isteri jáne sybaılas jemqorlyqpen kúres agenttiginiń apparat jetekshisi boldy.
2016 jyldyń qańtary men 2016 jyldyń qyrkúıegi aralyǵynda Memlekettik qyzmet isteri vıtse-mınıstri qyzmetin atqardy.
***
Alık Shpekbaev Jatqambaıuly 1957 jyly Almaty oblysy Qaskelen aýdany Abaı aýylynda dúnıege kelgen.
1980 jyly KSRO ІІM Shymkentte arnaıy mektebin, 1987 jyly KSRO ІІM Qaraǵandy joǵary mektebin, 1992 jyly RF ІІM Akademııasyn támamdady.
1980-1991 jj. - Almaty oblystyq ІІB bólimsheleriniń operatıvti jáne basshylyq quramy laýazymdarynda qyzmet etti.
1991-1992 jj. - RF Akademııasynyń tyńdaýshysy.
1995-1997 jj. - Almaty oblysy ІІB basshylyq laýazymdarynda qyzmet etti.
1997-2000 jj. - Almaty oblysy MTKB basshylyq laýazymdarynda qyzmet etti.
2000-2003 jj. - Almaty oblysy ІІB bastyǵy qyzmetin atqardy.
2003-2008 jj. - Qazaqstan Respýblıkasy Іshki ister vıtse-mınıstri qyzmetin atqardy.
2008-2014 jj. - QR Prezıdenti Ákimshiligi Quqyq qorǵaý júıesi bóliminiń meńgerýshisi boldy.
2014 jyldan - Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi Tóraǵasynyń orynbasary bolyp atqardy.
