Memlekettik qyzmet isteri mınıstrligi qyzmetkerleriniń 25 paıyzy aǵylshyn tilinde erkin sóıleıdi - T. Donaqov
«Mınıstrlik úkimettiń eń shaǵyn qurylymdarynyń biri bolyp tabylady. Mınıstrliktiń kadrlyq quramy bilikti mamandardan quralǵan, Ortalyq apparat qyzmetkerleriniń 12 paıyzy AQSh-ta jáne Batys Eýropada bilim alǵan «Bolashaq» baǵdarlamasynyń túlekteri. Úsheýi mınıstrlik departamentteriniń dırektorlary. Qyzmetkerlerdiń 25 paıyzy aǵylshyn tilinde erkin sóıleıdi», - dedi Donaqov.
Sonymen qatar, mınıstr vedomstvo jumysynda basymdyq memlekettik qyzmettiń jańa modelin iske asyrý, sybaılas jemqorlyqtyń paıda bolýynyń aldyn alý, sondaı-aq memleket kórsetetin qyzmetterdiń sapasy men ony baqylaýǵa beriletinin atap ótti.
Sóılegen sózinde T. Donaqov vedomstvo qyzmetiniń negizgi baǵyttary boıynsha jasalǵan jumystar jaıly, eldegi memlekettik qyzmettiń jaı-kúıi, memlekettik qyzmetti jetildirýge baǵyttalǵan, merıtokratııa qaǵıdattaryna negizdelgen mansaptyq úlgige kóshý úshin sharalardy iske asyrý barysy jáne ony iske asyrý nátıjeleri týraly aıtty.
