Memlekettik qyzmet isteri agenttiginiń Astana boıynsha aýmaqtyq departamentiniń jańa basshysy qyzmetine kiristi
ASTANA. 30 shilde. QazAqparat - QR Memlekettik qyzmet isteri agenttiginiń tóraǵasy Álıhan Báımenovtyń buıryǵymen agenttiktiń Astana qalasyndaǵy aýmaqtyq departamentiniń basshysy - tártiptik keńes tóraǵasy laýazymyna taǵaıyndalǵan Qaskın Tilegen Tólegenulyn
Astana qalasynyń tártiptik keńes múshelerimen jáne departament ujymymen tanystyrý rásimi ótkizildi. Bul týraly atalǵan vedomstvonyń baspasóz qyzmetinen habarlandy.
Jańa basshyny tanystyrǵan agenttik tóraǵasynyń orynbasary S.Q. Ahmetjanov T.Qaskınge jýyrda ǵana reformalanǵan memlekettik qyzmettiń qazaqstandyq modelin aýmaqta júzege asyrýǵa úlken senim artylatyna toqtalyp ótti.
Óz kezeginde tártiptik keńes músheleri T. Qaskınge jańa qyzmette abyroı bıiginen kórinýge tilektestikterin bildirdi.
Rásim qorytyndysynda T. Qaskın Elbasy qoldaýymen jańa kezeńge aıaq basqan memlekettik qyzmet salasyndaǵy jetistikterdi elorda tósinde júzege asyrý mindeti úlken jaýapkershilikti júkteıtindigin, bul senim údesinen shyǵýǵa bar kúsh-jigerin jumsaıtyndyǵyn jetkizdi.
