Memlekettik qyzmet isteri agenttiginde Kólik jáne kommýnıkatsııa mınıstrligi departamentiniń dırektoryna qatysty tártiptik is qaraldy
ASTANA. 21 qyrkúıek. QazAqparat - Búgin QR Memlekettik qyzmet isteri agenttiginde memlekettik qyzmet isteri jónindegi ókiletti organnyń Tártiptik komıssııasynyń otyrysy ótti.
Onda tártiptik komıssııalardyń jaýapkershiligin arttyrý men tártiptik baqylaýdyń tıimdiligin arttyrý ahýaly talqylandy. Sonymen qatar QR Kólik jáne kommýnıkatsııa mınıstrliginiń departament dırektoryna qatysty memlekettik qyzmetshiniń ar-namys Kodeksi normalaryn buzý faktisi boıynsha tártiptik is qaraldy.
«Agenttiktiń strategııalyq josparynda tártiptik komıssııalardyń jumysyn jandandyrý basty basymdyqtardyń biri bolyp sanalady. Bul qoldanystaǵy zańnamany jetildirýdi jáne tártiptik komıssııalardyń kúndelikti jumystaryndaǵy jaýapkershiligin arttyrýdy talap etedi»,-dedi QR Memlekettik qyzmet isteri agenttigi tóraǵasynyń orynbasary Saıan Ahmetjanov.
Aıta keteıik, bul komıssııa quramynda Parlament depýtattary, ortalyq memlekettik organdardyń, «Nur Otan» HDP-nyń, «Atameken» UEP-nyń, respýblıkalyq BAQ-tardyń ókilderi qamtylǵan.
