Memlekettik qyzmet isteri agenttigi yńǵaıly servıstik keńseler ashady
ASTANA. QazAqparat - Memlekettik qyzmet isteri jáne sybaılas jemqorlyqqa qarsy is-qımyl agenttigi kelýshilerge arnalǵan servıstik ortalyqtar ashady, dep habarlaıdy QazAqparat tilshisi.
«Qyzmet babymen bizdiń vedomstvoǵa kóptegen adamdar keledi. Bizdiń tekserýler, týrnıketter, qujattamalar kópshilikke yńǵaısyzdyq týǵyzady. (...) Qarapaıym turǵyndar úshin bizdiń mekemelerge kirý tipti qıyn. Sondyqtan jańa qabyldanǵan jol kartasy dál osy yńǵaısyzdyqtardy joıady», - dedi Sybaılas jemqorlyqqa qarsy is-qımyl ulttyq bıýrosy shtabynyń basshysy Hakım Kóshqalıev Astanada ótken brıfıngte.
Onyń aıtýynsha, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaevtyń 2019 jyldyń 17 qańtardaǵy buıryǵymen Sybaılas jemqorlyqqa qarsy qyzmettiń aldaǵy úsh jylǵa deıingi damý kezeńine arnalǵan Jol kartasy bekitildi.
Qujatta agenttik pen óńirlerde kedergisiz qyzmet kórsetetin servıstik ortalyqtar ashý qarastyrylǵan.
«Endi Ulttyq bıýroǵa kelýshiler úshin týrnıketter jáne kezekshi bólim ofıtseriniń «Sálemetsiz me, smartfondaryńyzdy uıashyqqa qaldyryńz!» degen salqynqandy amandasýy bolmaıdy. Onyń ornyna jarqyn júzdi keńesshiler jáne kelýshiler úshin qolaıly jaǵdaılar jasalǵan - ýaqytty barynsha tıimdi basqarý, jaıly jıhaz, aýyz sý, WI-FI, ótinishterdi jedel tirkeý qyzmetteri usynylady», - dedi H. Kóshqalıev.
