Memlekettik qyzmet agenttigi «iQyzmet» aqparattyq júıesin ázirlep jatyr

NUR-SULTAN. QazAqparat – Memlekettik basqarý salasynda «kadrlyq strategııa» jáne «kadrlyq josparlaý» degen uǵymdar engiziledi, dep habarlaıdy QazAqparat.

Memlekettik qyzmet isteri agenttigi tóraǵasynyń orynbasary Darhan Jazyqbaev Ortalyq kommýnkatsııalar qyzmetinde ótken brıfıngide osylaı dedi.

«Memlekettik basqarý salasynda «kadrlyq strategııa» jáne «kadrlyq josparlaý» degen uǵymdar engiziledi. Kadrlyq saıasatta adam resrýstaryn basqarýǵa basymdyq berý úshin qaǵazbastylyqtan arylyp, tsıfrlandyrylǵan qyzmetke aýysý qajet bolady. Osy úshin «iQyzmet» aqparattyq júıesin qurýǵa kúsh salyp jatyrmyz. Bul júıe kadrmen baılanysty operatsııalyq úderisterdi avtomattandyryp, ońtaıly ete túsedi», - dedi vedomstvo ókili.