Memlekettik qurylym túbegeıli ózgeredi – Májilis tóraǵasy
«Búgin elimizdiń bolashaǵyn aıqyndaıtyn, memlekettik qurylymdy jańasha qalyptastyratyn óte mańyzdy sheshim qabyldadyq. Qazaqstan - jańa saıası dáýirge qadam basqaly tur. Biz sol alǵashqy qadamyn bastadyq. Buǵan deıin búkilhalyqtyq referendým arqyly qabyldanǵan konstıtýtsııalyq reforma saıası jańǵyrýdyń negizin qalady. Al búgin qabyldanǵan sheshim sol reformalardyń núktesin qoıyp, memleketimizdiń jańa saıası modelge kóshýine jol ashady», - dedi E. Qoshanov Parlament palatalarynyń birlesken otyrysynda.
Osy oraıda ol elimiz demokratııaǵa qaraı nyq qadam basqanyn atap ótti.
«Memlekettik qurylym túbegeıli ózgeredi. Bul turǵyda Memleket basshysy Qasym-Jomart Kemeluly Toqaevtyń mańaıyna toptasyp, ádiletti qoǵam quryp, el baılyǵynyń halyqqa teńdeı bólinýine jańdaı jasap, azamattarymyzdyń ál-aýqatyn arttyryp, beıbit ári berekeli ómirdiń ornyǵýyn qamtamasyz etip otyrmyz», - dedi Májilis tóraǵasy.
Budan buryn habarlanǵandaı, búgin Parlament palatalarynyń birlesken otyrysynda «Qazaqstan Respýblıkasynyń Konstıtýtsııasyna ózgerister men tolyqtyrý engizý týraly» Qazaqstan Respýblıkasynyń Zańyn qabyldady.
Vıdeodan alynǵan kadr
