Memlekettik qupııany satpaq bolǵan 200-den astam laýazymdy tulǵa qylmystyq jaýapkershilikke tartyldy - N.Ábiqaev
ASTANA. QazAqparat - Memlekettik qupııany satpaq bolǵan 200-den astam laýazymdy tulǵa qylmystyq jaýapkershilikke tartyldy. Bul jaıynda «Kazahstanskaıa pravda» gazetine bergen suhbatynda QR UQK tóraǵasy Nurtaı Ábiqaev málim etken.
«Aqparattyq qaýipsizdik salasyndaǵy syn-qaterler men qaýipter artyp keledi. Ol óz kezeginde kez kelgen memleketti qarsy turýdyń naqty sharalaryn ázirlep engizýge májbúrleıdi. Bul aqparattyq qarym-qatynastardy retteıtin ulttyq zańnamaǵa ózgertýler men tolyqtyrýlar engizýge ǵana emes, sonymen birge, aqparattardy paıdalaný jáne qorǵaý quraldaryn jańartý men jańǵyrtý aıasynda sáıkesinshe tehnıkalyq ári uıymdastyrý sharalaryn qabyldaýmen de baılanysty jaıt», - deıdi ol.
Komıtet tóraǵasynyń paıymynsha, bul baǵytta aqparat qorǵaý quraldarynyń óndiristik bazasyn damytyp, jetildirý qajet. Sonymen birge aqparattyq tehnologııalar salasyndaǵy elimizdiń ǵylymı-tehnıkalyq áleýetin tıimdi paıdalaný kerek.
«Ókinishke oraı, jekelegen laýazymdy tulǵalar tarapynan qyzmettik jáne memlekettik qupııany saqtaýǵa kelgende nemquraıdylyqqa boı aldyratyndyǵy jıi bolyp turady. Jekelegen azamattardyń ózderiniń qyzmettik ókilettigin asyra paıdalanyp, qupııa málimetterdi materıaldyq syıaqyǵa berýge tyrysqandyǵy jaıynda faktiler bar. Bul derekterdiń barlyǵy anyqtap, jolyn kestik. Tek sońǵy 1,5 jyldyń ishinde laýazymdy tulǵalar qatarynan 200-den astam adam ákimshilik, tártiptik jáne qyzmettik jaýapkershilikke tartyldy», - dedi N.Ábiqaev.
