«Memlekettik quqyqtyq statıstıka jáne arnaıy esepke alý týraly» týraly QR Zańyna ózgerister men tolyqtyrýlar engizildi
ASTANA. 7 qańtar. QazAqparat - QR Prezıdenti Nursultan Nazarbaev «Memlekettik quqyqtyq statıstıka jáne arnaıy esepke alý týraly» Qazaqstan Respýblıkasynyń Zańyna ózgerister men tolyqtyrý engizý týraly» Zańǵa qol qoıdy.
***
Qazaqstan Respýblıkasynyń Zańy
«Memlekettik quqyqtyq statıstıka jáne arnaıy esepke alý týraly» Qazaqstan Respýblıkasynyń Zańyna ózgerister men tolyqtyrý engizý týraly
1-bap. «Memlekettik quqyqtyq statıstıka jáne arnaıy esepke alý týraly» 2003 jylǵy 22 jeltoqsandaǵy Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2003 j., № 24, 176-qujat; 2005 j., № 5, 5-qujat; 2009 j., № 19, 88-qujat; 2010 j., № 5, 23-qujat; 2011 j., № 1, 3-qujat; №11, 102-qujat) mynadaı ózgerister men tolyqtyrý engizilsin:
1) 7-baptyń 1-tarmaǵynyń 5) tarmaqshasy mynadaı redaktsııada jazylsyn:
«5) baqylaý jáne qadaǵalaý organdary júzege asyratyn tekserýlerdi taǵaıyndaý kezinde Qazaqstan Respýblıkasy zańnamasynyń buzylǵandyǵy anyqtalǵan jaǵdaılarda, olardy taǵaıyndaý týraly aktilerdi tirkeýden bas tartýǵa;»;
2) 12-baptyń 3-tarmaǵynda:
7) jáne 10) tarmaqshalar mynadaı redaktsııada jazylsyn:
«7) sot áreketke qabiletsiz jáne áreketke qabileti shekteýli dep tanyǵan adamdardy;»;
«10) baqylaý jáne qadaǵalaý organdary júzege asyratyn jáne Qazaqstan Respýblıkasynyń zańnamasynda belgilengen tártippen ýákiletti organda tirkeletin tekserýlerdi;»;
12) tarmaqshadaǵy «adamdardy arnaıy esepke alý isin júrgizýdi júzege asyrady» degen sózder «adamdardy;» degen sózben aýystyrylyp, mynadaı mazmundaǵy 13) tarmaqshamen tolyqtyrylsyn:
«13) adamdardyń qaza bolýyna nemese jaralanýyna ákep soqqan jol-kólik oqıǵalaryn arnaıy esepke alýdy júzege asyrady.».
2-bap. Osy Zań alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Prezıdenti N.NAZARBAEV.
Astana, Aqorda, 2011 jylǵy 28 jeltoqsan. №522-IV QRZ
