Memlekettik qoryqtyń aýmaǵynda ustalǵan brakonerlerden balyq pen ýyldyryqtyń iri partııasy tárkilendi
ASTANA. 23 mamyr. QazAqparat - Shyǵys Qazaqstan oblysynda memlekettik qoryqtyń aýmaǵynda ustalǵan brakonerlerden balyq pen ýyldyryqtyń iri partııasy tárkilendi.
Bul týraly búgin ІІM-de ótken brıfıng barysynda vedomstvonyń resmı ókili Nurdildá Oraz málim etti.
Onyń aıtýynsha, Shyǵys Qazaqstan oblysynyń ІІD Uıymdasqan qylmysqa qarsy kúres basqarmasynyń qyzmetkerleri Marqakól memlekettik qoryǵynyń aýmaǵynda ótkizgen «Ýyldyryq» operatsııasy barysynda oblystyń tórt turǵynyn quryqtady.
«Ustalǵan azamattardan aýlaýǵa tyıym salynǵan 228 keli maıqan balyq pen 110 keli ýyldyryq tárkilendi», - deıdi N. Oraz.
QR QK 287-baby 3-bólimimen qylmystyq is qozǵaldy.
