Memlekettik kórsetiletin qyzmetterdi usyný tıimdiligi artady - Senat
Zań jobasy Qazaqstan Respýblıkasynyń memlekettik kórsetiletin qyzmetter salasyndaǵy zańnamasyn jetildirý maqsatynda ázirlendi. Osy oraıda qyzmetterdi alýdy jeńildetý, onyń ishinde qyzmet alýshyǵa suraý salynyp, uıaly baılanystyń abonettik qurylǵysy arqyly qyzmet kórsetýshiniń bastamasy boıynsha usynylatyn qyzmet kórsetýdiń proaktıvti tásilin engizý jolymen jeńildetý kózdeledi.
Zań jobasymen memlekettik organdardyń jańa memlekettik qyzmetterdi elektrondyq formatta kórsetý jónindegi quzyreti tolyqtyryldy.
Atap aıtqanda, memlekettik áleýmettik járdemaqylardy taǵaıyndaý kezindegi memlekettik qyzmetter kórsetý rásimderi naqtylandy. Sonymen qatar, azamattyq hal aktilerin memlekettik tirkeý, zańdy tulǵalardy tirkeý jáne fılıaldar men ókildikterdi eseptik tirkeý qyzmetteri ońtaılandyrylady.
Májilis depýtaty Maıra Aısınanyń aıtýynsha, kompozıt naqty ómirlik jaǵdaı týyndaǵan kezde adamnyń bir ótinish arqyly birneshe ózara baılanysty qyzmetterdi alýyna múmkindik beredi. Osy oraıda zeınetkerlerge óz zeınetaqysyn alý úshin ártúrli mekemelerge baryp, árqaısysy 3-7 jáne odan da kóp qujattan turatyn úsh bólek qujattar paketin daıyndaý qajettigine jol berilmeıdi.
Endi elektrondyq ótinishten keıin jeke kásipkerlikti tirkeý bir saǵatta iske asyrylady.
Bul sybaılas jemqorlyq táýekelderin bolǵyzbaıdy jáne bızneske qolaıly jaǵdaı jasaýǵa múmkindik beredi. Osy oraıda elektrondyq formatqa kóshirý ári qujattar tizbesin ońtaılandyrý kózdelgen.
«Nátıjesinde, jeke kásipkerlikti tirkeý elektrondyq ótinish berilgen kezden bastap qazirgideı bir kún emes, bir saǵattyń ishinde júzege asyrylatyn bolady», - dedi Maıra Aısına.
