Memlekettik qorǵanystyq tapsyrysty oryndaý tártibi ózgermek

ASTANA. QazAqparat – «Memlekettik qorǵanystyq tapsyrysty qalyptastyrý, ornalastyrý jáne oryndaý qaǵıdalaryn bekitý týraly» Úkimettiń qaýlysyna ózgerister engizilmek. Usylyp otyrǵan qujat «Ashyq» NQA portalynda jarııalandy, dep habarlaıdy QazAqparat tilshisi.

«QR Prezıdenti Ákimshiligimen kelisilgen Qorǵanystyq tapsyrysty bekitý týraly Úkimettiń tıisti qaýlysynyń jobasyna sáıkes, tıisti josparly kezeńge arnalǵan respýblıkalyq bıýdjet týraly zań kúshine engen kúnnen bastap eki aı ishinde Qazaqstan Respýblıkasynyń Úkimetine engiziledi. Qorǵanystyq tapsyrysty naqtylaý respýblıkalyq bıýdjet naqtylanǵan jaǵdaıda nemese túzetýler kezinde júrgiziledi», - delingen jańa redaktsııada.

Aıta keteıik, qoldanystaǵy qaýlyǵa sáıkes, qorǵanystyq tapsyrys QR Prezıdenti Ákimshiligimen kelisilmeıtin edi. Sonymen qatar, oǵan bólinetin qarajatty naqtylaý jylyna 2 ret júrgiziletin. Usynylyp otyrǵan redaktsııada bul normalar alynyp tastalǵan.

Qaýlyny ashyq talqylaý 6 jeltoqsanǵa deıin jalǵasady.