Memlekettik qordan turǵyn úı alý úshin UOS qatysýshylaryna teńestirilgen 492 astanalyq kezekte tur
ASTANA. 15 qańtar. QazAqparat - Qazirgi kezde memlekettik turǵyn úı qorynan baspana alý úshin Uly Otan soǵysy qatysýshylaryna teńestirilgen 492 adam tizimde tur.
Bul týraly elordanyń resmı saıty habarlaıdy.
Eske salaıyq, UOS qatysýshylary sanatyndaǵy azamattarǵa teńestirilgender - jaýynger-ınternatsıonalıster, Chernobyl AES apatyn joıýǵa qatysqandar, tyl eńbekkerleri, UOS qatysýshylarynyń otbasy. Búgingi kúni Astanada turatyn olardyń sany - 1873 adam.
UOS ardagerleri, sondaı-aq olarǵa teńestirilgen azamattar Qazaqstan Respýblıkasynyń «Turǵyn úı qatynastary týraly» Zańynyń 68 jáne 74 baptaryna sáıkes eger olardyń Qazaqstan Respýblıkasy aýmaǵynda jekemenshik quqyqtaǵy turǵyn úıleri joq bolsa, muqtaj dep tanylady. Mundaı jaǵdaıda olar kezek boıynsha memlekettik turǵyn úı qorynan baspana alý quqyna ıe bola alady.
Qalalyq Jumyspen qamtý jáne áleýmettik baǵdarlamalar basqarmasynyń málimetteri boıynsha, búgingi kúni Astana qalasynda turatyn barlyq 318 UOS ardageri men qatysýshysy pátermen qamtamasyz etilgen.
