Memlekettik qordan nemese jergilikti atqarýshy organ jaldaǵan turǵyn úıge muqtaj azamattardy esepke qoıý standarttaryna ózgerister engizildi
ASTANA. 17 qazan. QazAqparat - Qazaqstan Respýblıkasy Úkimetiniń 2012 jylǵy 31 tamyzdaǵy №1131 qaýlysyna sáıkes
«Aýdannyń (oblystyq mańyzy bar qalanyń), respýblıkalyq mańyzy bar qalanyń, astananyń jergilikti atqarýshy organynda memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj azamattardy esepke qoıý» memlekettik qyzmet kórsetý standartyn bekitý týraly» Qazaqstan Respýblıkasy Úkimetiniń 2010 jylǵy 8 aqpandaǵy № 76 qaýlysyna ózgerister engizildi.
* * *
Qazaqstan Respýblıkasy Úkimetiniń qaýlysy
2012 jylǵy 31 tamyz №1131 Astana, Úkimet Úıi
«Aýdannyń (oblystyq mańyzy bar qalanyń), respýblıkalyq mańyzy bar qalanyń, astananyń jergilikti atqarýshy organynda memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj azamattardy esepke qoıý» memlekettik qyzmet kórsetý standartyn bekitý týraly» Qazaqstan Respýblıkasy Úkimetiniń 2010 jylǵy 8 aqpandaǵy № 76 qaýlysyna ózgerister engizý týraly
«Turǵyn úı qatynastary týraly» Qazaqstan Respýblıkasynyń 1997 jylǵy 16 sáýirdegi Zańyna jáne «Memlekettik qyzmettiń úlgi standartyn bekitý týraly» Qazaqstan Respýblıkasy Úkimetiniń 2007 jylǵy 30 maýsymdaǵy № 558 qaýlysyna sáıkesQazaqstan Respýblıkasynyń Úkimeti qaýly etedi:
1. «Aýdannyń (oblystyq mańyzy bar qalanyń), respýblıkalyq mańyzy bar qalanyń, astananyń jergilikti atqarýshy organynda memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj azamattardy esepke qoıý» memlekettik qyzmet kórsetý standartyn bekitý týraly» Qazaqstan Respýblıkasy Úkimetiniń 2010 jylǵy 8 aqpandaǵy № 76 qaýlysyna (Qazaqstan Respýblıkasynyń PÚAJ-y, 2010 j., № 11-12, 120-qujat) mynadaı ózgerister engizilsin:
taqyryby mynadaı redaktsııada jazylsyn:
«Memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj azamattardy esepke qoıý jáne olardyń kezegi» memlekettik qyzmet standartyn bekitý týraly»;
kirispe mynadaı redaktsııada jazylsyn:
«Qazaqstan Respýblıkasynyń 2008 jylǵy 4 jeltoqsandaǵy Bıýdjet kodeksiniń 34-babyna, «Ákimshilik rásimder týraly» Qazaqstan Respýblıkasynyń 2000 jylǵy 27 qarashadaǵy Zańynyń 9-1, 15-2-baptaryna jáne «Aqparattandyrý týraly» Qazaqstan Respýblıkasynyń 2007 jylǵy 11 qańtardaǵy Zańynyń 6-babynyń 2), 3) tarmaqshalaryna, 29-babyna sáıkes Qazaqstan Respýblıkasynyń Úkimeti qaýly etedi:»;
1-tarmaq mynadaı redaktsııada jazylsyn:
«1. Qosa berilip otyrǵan «Memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj azamattardy esepke qoıý jáne olardyń kezegi» memlekettik qyzmet standarty bekitilsin.»;
kórsetilgen qaýlymen bekitilgen «Aýdannyń (oblystyq mańyzy bar qalanyń), respýblıkalyq mańyzy bar qalanyń, astananyń jergilikti atqarýshy organynda memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj azamattardy esepke qoıý» memlekettik qyzmet kórsetý standarty osy qaýlyǵa qosymshaǵa sáıkes jańa redaktsııada jazylsyn.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń
Premer-Mınıstri K.MÁSІMOV.
Qazaqstan Respýblıkasy
Úkimetiniń
2012 jylǵy «31» tamyzdaǵy
№1131 qaýlysyna
qosymsha
Qazaqstan Respýblıkasy
Úkimetiniń
2010 jylǵy 8 aqpandaǵy
№ 76 qaýlysymen
bekitilgen
«Memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj azamattardy esepke qoıý jáne olardyń kezegi» memlekettik qyzmet standarty
1. Jalpy erejeler
1. «Memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj azamattardy esepke qoıý jáne olardyń kezegi» memlekettik qyzmet standarty (budan ári - memlekettik qyzmet) mekenjaılary osy standartqa 1, 2-qosymshalarda kórsetilgen Astana jáne Almaty qalalarynyń Turǵyn úı basqarmalary, aýdandardyń, oblystyq mańyzy bar qalalardyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimderi (budan ári - ýákiletti organ), sondaı-aq balamaly negizde halyqqa qyzmet kórsetý ortalyqtary (budan ári - ortalyq) arqyly nemese Ótinish berýshide elektrondyq-tsıfrlyq qoltańba (budan ári - ETsQ) bolǵan jaǵdaıda Elektrondyq úkimettiń: www.egov.kz » veb-portaly (budan ári -portal) arqyly kórsetiledi.
Memlekettik qyzmetterdiń qol jetimdiligin qamtamasyz etý maqsatynda shalǵaı eldi mekenderdiń turǵyndaryna mobıldi ortalyqtar arqyly memlekettik qyzmet kórsetýge jol beriledi.
2. Kórsetiletin memlekettik qyzmettiń nysany ishinara avtomattandyrylǵan.
3. Memlekettik qyzmet «Turǵyn úı qatynastary týraly» Qazaqstan Respýblıkasynyń 1997 jylǵy 16 sáýirdegi Zańynyń 67, 68, 69, 71, 72 jáne 74-baptarynyń, «Aqparattandyrý týraly» Qazaqstan Respýblıkasynyń 2007 jylǵy 11 qańtardaǵy Zańynyń 29-babynyń jáne «Memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj Qazaqstan Respýblıkasynyń azamattaryn esepke qoıý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 26 maýsymdaǵy № 856 qaýlysynyń negizinde kórsetiledi.
4. Memlekettik qyzmet kórsetý tártibi týraly tolyq aqparat:
1) www.ads.gov.kz mekenjaıy boıynsha Qazaqstan Respýblıkasy Qurylys jáne turǵyn úı-kommýnaldyq sharýashylyq icteri agenttiginiń (budan ári - Agenttik) ınternet-resýrsyndaǵy «Memleketik qyzmetter» degen bólimde;
2) «Halyqqa qyzmet kórsetý ortalyǵy» respýblıkalyq memlekettik kásipornynyń www.con.gov.kz ınternet-resýrsynda;
3) veb-portalda;
4) ortalyqtardyń stendilerde ornalastyrylady.
Memlekettik qyzmet kórsetý týraly aqparatty call-ortalyqtan 1414 telefony boıynsha alýǵa da bolady.
5. Kórsetiletin memlekettik qyzmettiń nátıjesi nysany, kezeginiń rettik nómirin kórsetip, esepke qoıý týraly habarlama nemese negizdi sebepterdi kórsetip, esepke qoıýdan bas tartý týraly dáleldi jaýap berý (qaǵaz jetkizgishte nemese elektrondyq túrde) bolyp tabylady.
6. Memlekettik qyzmet kommýnaldyq turǵyn úı qorynan turǵyn úıler nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj, tıisti eldi mekende (turý merzimine qaramastan) turaqty turatyn jáne:
1) Uly Otan soǵysynyń múgedekteri men qatysýshylaryna;
2) osy tarmaqtyń ekinshi bóliginiń 2), 3), 4), 5), 6), 7), 8), 9), 10), 11), 12) tarmaqshalarynda kórsetilgen, turǵyn úı berý týraly ótinish jasaýdyń aldynda sońǵy on eki aı ishinde jıyntyq ortasha aılyq tabysy otbasynyń árbir múshesine respýblıkalyq bıýdjet týraly zańda tıisti qarjy jylyna belgilengen eń tómengi kúnkóris deńgeıiniń 3,1 eselengen mólsherinen tómen bolatyn, halyqtyń áleýmettik jaǵynan osal toptaryna kórsetiledi. Eń tómengi kúnkóris deńgeıiniń 3,1 eselengen mólsherindegi koeffıtsıent jetim balalarǵa, ata-anasynyń qamqorlyǵynsyz qalǵan balalarǵa jáne múgedek balalarǵa qoldanylmaıdy;
3) memlekettik qyzmetshilerge, bıýdjettik uıymdardyń qyzmetkerlerine, áskerı qyzmetshilerge, ǵaryshkerlikke kandıdattarǵa, ǵaryshkerlerge jáne memlekettik saılanbaly qyzmet atqaratyn adamdarǵa;
4) jalǵyz turǵyn úıi Qazaqstan Respýblıkasynyń zańnamasynda belgilengen tártippen avarııalyq jaǵdaıda dep tanylǵan azamattarǵa jatatyn Qazaqstan Respýblıkasynyń azamattaryna (budan ári - memlekettik qyzmetti alýshylar) kórsetiledi.
Halyqtyń áleýmettik jaǵynan osal toptaryna:
1) Uly Otan soǵysynyń múgedekteri men qatysýshylary;
2) Uly Otan soǵysynyń múgedekteri men qatysýshylaryna teńestirilgen adamdar;
3) 1 jáne 2-toptaǵy múgedekter;
4) múgedek balalary bar nemese olardy tárbıeleýshi otbasylar;
5) Qazaqstan Respýblıkasy Úkimetiniń 2011 jylǵy 8 qarashadaǵy № 1309 qaýlysymen bekitilgen aýrýlar tiziminde atalǵan keıbir sozylmaly aýrýlardyń aýyr túrlerimen aýyratyn adamdar (budan ári - keıbir sozylmaly aýrýlardyń aýyr túrleriniń tizimi);
6) jasy boıynsha zeınetkerler;
7) kámeletke tolǵanǵa deıin ata-analarynan aıyrylǵan jıyrma úsh jasqa tolmaǵan jetim balalar men ata-anasynyń qamqorlyǵynsyz qalǵan balalar jatady. Mundaı adamdardyń jasy áskerı qyzmetke shaqyrylǵan kezde merzimdi áskerı qyzmetten ótý merzimine uzartylady;
8) oralmandar;
9) ekologııalyq zilzalalar, tabıǵı jáne tehnogendik sıpattaǵy tótenshe jaǵdaılar saldarynan turǵyn úıinen aıyrylǵan adamdar;
10) kóp balaly otbasylar;
11) memlekettik nemese qoǵamdyq mindetterin, áskerı qyzmetin atqarý kezinde, ǵarysh keńistigine ushýǵa daıyndyq nemese ony júzege asyrý, adam ómirin qutqarý kezinde, quqyq tártibin qorǵaý kezinde qaza tapqan (qaıtys bolǵan) adamdardyń otbasylary;
12) tolyq emes otbasylar jatady.
Adamdar, eger:
1) esepke qoıǵan kezde jáne kommýnaldyq turǵyn úı qorynan nemese memlekettik kásiporynnyń turǵyn úı qorynan turǵyn úı bergen kezde Qazaqstan Respýblıkasynyń aýmaǵynda menshik quqyǵynda turǵyn úıi bolmasa;
2) esepke qoıǵan kezde jáne memlekettik mekemeniń turǵyn úı qorynan turǵyn úı bergen kezde osy eldi mekende menshik quqyǵynda turǵyn úıi bolmasa;
3) osy eldi mekende turaqty paıdalanýynda kommýnaldyq turǵyn úı qorynan turǵyn úıi bolmasa;
4) otbasy turatyn turǵyn úı belgilengen sanıtarııalyq jáne tehnıkalyq talaptarǵa saı kelmese;
5) japsarlas, oqshaýlanbaǵan turǵyn úı-jaılarda eki jáne odan da kóp otbasy turyp jatsa;
6) otbasy quramynda keıbir sozylmaly aýrýlardyń aýyr túrlerimen aýyratyn naýqastar bolyp, bir úı-jaıda (páterde) olarmen birge turý múmkin bolmasa, memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj dep tanylady.
7. Memlekettik qyzmet kórsetýdiń merzimi memlekettik qyzmetti alýshy osy standarttyń 11-tarmaǵynda anyqtalǵan qajetti qujattardy tapsyrǵan sátten bastap:
1) ýákiletti organda ne portalda -kúntizbelik otyz kún;
ortalyqta kúntizbelik otyz kún ishinde (memlekettik qyzmetti alý úshin qujattardy qabyldaǵan kún memlekettik qyzmet kórsetý merzimine kirmeıdi, bul oraıda ýákiletti organ memlekettik qyzmetti kórsetý merzimi aıaqtalýǵa bir kún qalǵanda memlekettik qyzmet kórsetýdiń nátıjesin usynady);
2) ortalyqta qujattardy tapsyrǵan nemese alǵan kezde kezek kútýdiń ruqsat etiletin eń uzaq ýaqyty 20 mınýttan, ýákiletti organda 15 mınýttan aspaýy tıis.
8. Memlekettik qyzmet tegin kórsetiledi.
9. Jumys kestesi:
1) ýákiletti organda - demalys kúnderin, sondaı-aq mereke kúnderin qospaǵanda, saǵat 13.00-den 14.00-ge deıin túski úzilispen kún saıyn saǵat 9.00-den 18.00-ge deıin;
Qujattar qabyldaýdy ýákiletti organnyń keńsesi memlekettik qyzmet aldyn ala jazylýsyz jáne jedel qyzmet kórsetýsiz, kezek tártibimen júzege asyrady.
Uly Otan soǵysynyń múgedekteri men qatysýshylaryna kezekten tys qyzmet kórsetiledi.
2) ortalyqta memlekettik qyzmet belgilengen jumys kestesine sáıkes demalys jáne mereke kúnderinen basqa, kún saıyn kún saıyn dúısenbiden senbige deıin, túski úzilissiz saǵat 9.00-den 20.00-ge deıin kórsetiledi.
Qabyldaý jedel qyzmet kórsetýsiz, «elektrondyq» kezek tártibimen júzege asyrylady.
Mobıldi ortalyqtar ortalyq bekitken kestege sáıkes qujattar qabyldaýdy júzege asyrady, biraq bir eldi mekende alty jumys kúninen kem emes.
3) portalda - táýlik boıy.
10. Memlekettik qyzmet:
1) múmkindikteri shekteýli adamdar úshin jaǵdaı jasalǵan, kútýdin jáne qajetti qujattar daıyndaýdyń qolaıly jaǵdaıy bar kútý zaly, toltyrylǵan blankilerdiń úlgileri bar aqparattyq stendiler ornalasqan ýákiletti organda nemese ortalyqta;
2) portalda - jeke kabınette kórsetiledi.
2. Memlekettik qyzmet kórsetý tártibi
11. Memlekettik qyzmetti alý úshin memlekettik qyzmetti alýshy ne onyń senimhat boıynsha ókili mynadaı qujattardy usynýy qajet:
ýákiletti organǵa nemese ortalyqqa:
1) osy standartqa 3-qosymshaǵa sáıkes nysan boıynsha esepke qoıý týraly ótinish;
2) ótinish ıesiniń jáne onyń otbasy músheleriniń jeke kýáliginiń nemese pasportynyń kóshirmesin;
3) nekege turý (buzý), otbasy músheleriniń qaıtys bolýy, balalardyń týýy týraly kýálikterdiń kóshirmesin;
4) aýmaqtyq ádilet organynyń anyqtamasyn (ótinish berýshide jáne onymen turaqty turatyn otbasy múshelerinde menshik quqyǵynda olarǵa tıesili turǵyn úıdiń bar nemese joq ekendigi týraly);
5) jergilikti atqarýshy organynyń anyqtamasyn (ótinish berýshide jáne onymen turaqty turatyn otbasy múshelerinde osy eldi mekende kommýnaldyq turǵyn úı qorynan turǵyn úıdiń joqtyǵy týraly);
6) azamattardy tirkeý kitabynyń kóshirmesin (qujatty salystyrý úshin) ne tıisti eldi mekende turatynyn rastaıtyn anyqtama bıýrosynyń nemese aýyldyq okrýg ákimniń anyqtamasy;
7) basqa adamdardy ótinish berýshiniń otbasy múshesi dep tanyǵan jaǵdaıda olardy ótinish berýshiniń otbasy múshesi dep taný týraly sottyń sheshimi;
8) áleýmettik jaǵynan osal toptaryna jatatynyn azamattar qosymsha ótinish berýshiniń (otbasynyń) áleýmettik jaǵynan osal azamattarǵa jatatynyn rastaıtyn qujatty;
9) halyqtyń áleýmettik jaǵynan osal toptaryna jatatyn azamattar (jetim balalardy, ata-anasynyń qamqorlyǵynsyz qalǵan balalardy jáne múgedek balalardy qospaǵanda) ótinish jasaýdyń aldynda sońǵy on eki aı ishinde otbasynyń árbir múshesine shaqqandaǵy jıyntyq aılyq tabysy týraly anyqtamany;
10) memlekettik qyzmetshiler, bıýdjettik uıymdardyń qyzmetkerleri, áskerı qyzmetshiler jáne memlekettik saılanbaly qyzmet atqaratyn adamdar jumys orynynan (qyzmetten) anyqtamany qosymsha usynady. Ǵaryshkerlikke kandıdattar, ǵaryshkerler Qazaqstan Respýblıkasy Úkimetimen berilgen mártebesin rastaıtyn qujattaryn usynady;
11) jalǵyz turǵyn úıi avarııalyq jaǵdaıda dep tanylǵan azamattar osy faktini rastaıtyn anyqtamany qosymsha usynady;
12) otbasy turatyn turǵyn úı belgilengen sanıtarııalyq jáne tehnıkalyq talaptarǵa saı kelmegen nemese japsarlas, oqshaýlanbaǵan turǵyn úı-jaılarda eki jáne odan da kóp otbasy turyp jatqan nemese otbasy quramynda keıbir sozylmaly aýrýlardyń aýyr túrlerimen aýyratyn naýqastar bolyp, bir úı-jaıda (páterde) olarmen birge turý múmkin bolmaǵan jaǵdaıda ótinish berýshiler tıisti ýákiletti organnyń anyqtamasyn qosymsha usynady.
Memlekettik elektrondyq aqparat resýrstary bolyp tabylatyn qujattardyń málimetterin ýákiletti organnyń nemese ortalyqtyń qyzmetkeri ýákiletti tulǵanyń ETsQ-men rastalǵan elektrondyq qujat nysanyndaǵy Aqparattyq júıe ortalyǵy arqyly tıisti memlekettik aqparattyq júıelerden alady.
Portalda:
1) memlekettik qyzmetti alýshynyń ETsQ-men rastalǵan elektrondyq qujat nysanyndaǵy suraýy;
2) osy standarttyń 11-tarmaǵynyń ekinshi bóliginde kórsetilgen málimetter elektrondyq suraýǵa skanerlengen túrde qosa beriledi.
Memlekettik elektrondyq aqparat resýrstary bolyp tabylatyn qujattardyń málimetterin ýákiletti organ ýákiletti tulǵanyń ETsQ-men rastalǵan Portal arqyly tıisti memlekettik aqparattyq júıelerden alady.
12. Ýákiletti organda ótinishtiń nysany kútý zalyndaǵy arnaıy taǵanda ornalastyrylady jáne qujatty qabyldaıtyn qyzmetkerde bolady.
Ortalyqta blankiler kútý zalyndaǵy arnaıy taǵanda ornalastyrylady.
Memlekettik qyzmetti alý úshin toltyrýǵa qajetti ótinishterdiń blankileri www.con.gov.kz ınternet resýrsynda bolady.
13. Qujattar qabyldaý:
1) ýákiletti organnyń keńsesinde - zańdy mekenjaıy, telefony, elektrondyq pochtasynyń mekenjaıy osy standartqa 1-qosymshada kórsetilgen;
2) ortalyqta «kedergisiz» qyzmet kórsetý arqyly «jalǵyz tereze» qaǵıdaty boıynsha operatsııalyq zalda tikeleı júzege asyrylady;
3) portalǵa ótinish jasalǵan kezde elektrondyq saýaldy jiberý memlekettik qyzmetti alýshynyń «jeke kabınetinen» júzege asyrylady. Saýal avtomatty túrde tańdap alynǵan qyzmetke sáıkes ýákiletti organǵa - adrestatqa jiberiledi.
14. Memlekettik qyzmetti alý úshin barlyq qajetti qujattardy tapsyrǵan kezde memlekettik qyzmetti alýshyǵa:
1) ýákiletti organda nemese ortalyqta:
saýaldyń nómiri jáne qabyldanǵan kúni;
suraý salynǵan memlekettik qyzmettiń túri;
qosa berilgen qujattardyń sany jáne ataýy;
qujattardy berý kúni (ýaqyty) jáne orny;
qujattardy resimdeýge saýaldy qabyldaǵan ortalyq qyzmetkeriniń ne ýákiletti organ qyzmetkeriniń tegi, aty, ákesiniń aty;
memlekettik qyzmetti alýshynyń tegi, aty, ákesiniń aty, ýákiletti ókildiń tegi, aty, ákesiniń aty jáne olardyń baılanys telefondary kórsetilgen tıisti qujattardy qabyldaý týraly qolhat beriledi.
2) portalda memlekettik qyzmetti alýshynyń «jeke kabınetine» ýákiletti organ ótinishtiń qabyldanǵany týraly habarlama-esep jiberiledi, qujatty qabyldaý kúni men ýaqyty jáne memlekettik qyzmetti alǵan kún kórsetiledi.
15. Ýákiletti organ daıyn qujattar berýdi memlekettik qyzmetti alýshynyń ózi ne senimhat boıynsha ókili kelgen kezde kún saıyn qolhat boıynsha onda kórsetilgen merzimde, qujattardy berýdi esepke alý jýrnalynda tirkeı otyryp júzege asyrady.
Ortalyqta memlekettik qyzmetti alýshyǵa daıyn qujattar berýdi qolhatta kórsetilgen merzim negizinde kún saıyn «terezeler» arqyly ortalyqtyń qyzmetkeri júzege asyrady.
Portalda daıyn qujattardy berý memlekettik qyzmetti alýshynyń «jeke kabınetine» avtomatty túrde ne paıdalanýshynyń elektrondyq pochtasyna (ótinishte kórsetilgen kezde) ýákiletti organ qyzmetkeriniń ETsQ-men rastalǵan elektrondyq qujat jiberý arqyly júzege asyrylady.
16. Eger azamattyń sońǵy bes jyldyń ishinde óz turǵyn úı jaǵdaılaryn qasaqana nasharlatýy saldarynan mynadaı joldarmen muqtajǵa aınalǵany:
1) turǵyn úı-jaıyn aýystyrǵany;
2) onyń Qazaqstan Respýblıkasynyń sol nemese basqa eldi mekeninde bolýyna qaramastan, oǵan menshik quqyǵymen tıesili turý úshin jaramdy turǵyn úıdi, jalǵyz turǵyn úıi Qazaqstan Respýblıkasynyń zańnamasyna sáıkes alynǵan uzaq merzimdi jeńildikti turǵyn úı kredıtteri boıynsha satyp alynǵan kepil berýshi - Qazaqstan Respýblıkasy azamaty ıpotekalyq turǵyn úı qaryzy boıynsha mindettemelerin oryndaýǵa qabiletsiz bolǵan jaǵdaıda jergilikti atqarýshy organ turǵyn úıdi satyp alǵannan basqa jaǵdaılarda, ıeliginen shyǵarýy;
3) turǵyn úıdiń óz kinásinen buzylýy nemese búlinýi;
4) turǵan kezinde onyń memlekettik turǵyn úı qorynan turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj bolmaǵan kezde turǵyn úıinen ketýi;
5) jubaıynan, kámeletke tolmaǵan jáne eńbekke jaramsyz balalarynan, sondaı-aq eńbekke jaramsyz ata-analarynan basqa adamdardy turǵyzǵany anyqtalsa, memlekettik qyzmet kórsetýden bas tartýǵa negiz bolyp tabylady.
Memlekettik qyzmetti alýshy osy standartta belgilengen talaptarǵa sáıkes kelmese, memlekettik turǵyn úı qorynan turǵyn úı nemese jeke turǵyn úı qorynan jergilikti atqarýshy organ jaldaǵan turǵyn úı berý úshin esepke qoıýdan bas tartylady.
3. Jumys qaǵıdattary
17. Ortalyqtardyń jáne ýákiletti organdardyń memlekettik qyzmetti alýshyǵa qatysty adamnyń konstıtýtsııalyq quqyqtary men bostandyǵyn saqtaý, qyzmettik boryshyn óteý kezindegi zańdylyqty saqtaý, ádeptilik, tolymdy aqparat berý, aqparattyń saqtalýyn, qorǵaýdy jáne qupııalylyǵyn qamtamasyz etý qaǵıdattaryna negizdeledi.
4. Jumys nátıjeleri
18. Memlekettik qyzmetti alýshyǵa memlekettik qyzmet kórsetýdiń nátıjeleri osy standartqa 4-qosymshaǵa sáıkes sapa men tıimdilik kórsetkishterimen ólshenedi.
19. Memlekettik qyzmet kórsetetin ýákiletti organnyń, ortalyqtardyń jumysy baǵalanatyn memlekettik qyzmettiń sapasy men tıimdiligi kórsetkishteriniń maqsatty máni jyl saıyn Qazaqstan Respýblıkasy Qurylys jáne turǵyn úı-kommýnaldyq sharýashylyq isteri agenttigi tóraǵasynyń tıisti buıryǵymen bekitiledi.
5. Shaǵymdaný tártibi
20. Ýákiletti organ qyzmetkerleriniń áreketine (áreketsizdigine) shaǵymdaný tártibin túsindirý jáne shaǵamdy daıyndaýǵa járdem kórsetý úshin memlekettik qyzmetti alýshy ýákiletti basshysyna ne osy standartqa 1, 2-qosymshalarda telefony jáne mekenjaıy kórsetilgen ortalyqqa júginedi.
21. Kórsetilgen qyzmet nátıjelerimen kelispegen jaǵdaıda shaǵym ákimniń apparaty basshysynyń atyna beriledi. Ákimdikterdiń apparaty basshylarynyń elektrondyq pochtasynyń mekenjaılary, baılanys derekteri jáne jumys kestesi osy standartqa 5-qosymshada kórsetilgen.
Ortalyq kórsetken memlekettik qyzmettiń nátıjesimen kelispegen jaǵdaıda shaǵym mekenjaıy jáne telefony osy standarttyń 26-tarmaǵynda kórsetilgen «Halyqqa qyzmet kórsetý ortalyǵy» respýblıkalyq memlekettik kásipornynyń (budan ári - «Ortalyq» RMK) beriledi.
22. Durys qyzmet kórsetilmegen jaǵdaıda ákimniń apparat basshysynyń atyna shaǵym beriledi. Ákimdikterdiń apparaty basshylarynyń elektrondyq pochtasynyń mekenjaılary, baılanys derekteri jáne jumys kestesi osy standartqa 5-qosymshada kórsetilgen.
Ortalyq durys qyzmet kórsetilmegen jaǵdaıda shaǵym osy standartqa 2-qosymshada mekenjaılary men telefondary kórsetilgen ortalyq basshysynyń atyna ne mekenjaıy jáne telefony osy standarttyń 26-tarmaǵynda kórsetilgen «Ortalyq» RMK-qa beriledi.
23. Kórsetilgen memlekettik qyzmettiń nátıjelerimen kelispegen jaǵdaıda memlekettik qyzmetti alýshynyń zańnamada belgilengen tártippen sotqa shaǵymdanýǵa quqyǵy bar.
24. Shaǵymdar jazbasha jáne elektrondyq túrde, erkin nysanda qabyldanady.
25. Memlekettik qyzmetti alýshyǵa:
1) shaǵymdy qabyldaý kúni;
2) qosa berilgen qujattardyń sany men ataýy (bolǵan jaǵdaıda);
3) jaýap berý kúni, ýaqyty men orny;
4) ótinishti qabyldaǵan ýákiletti organ qyzmetkeriniń tegi, aty jáne ákesiniń aty;
5) shaǵymdy qaraýdyń barysy týraly aqparat alýǵa bolatyn laýzymdy adamnyń baılanys derekteri kórsetilgen shaǵymdy qabyldanǵany týraly talon beriledi.
26. Agenttiginiń mekenjaıy: 010000, Astana qalasy, Orynbor kóshesi, № 8 úı, 10-kireberis, ınternet-resýrsy: «www.ads.gov.kz».
«Ortalyq» RMK-nyń mekenjaıy: Astana qalasy, Respýblıka dańǵyly, 43A-úı, telefon: 94-99-95, ınternet-resýrsy: «www.con.gov.kz».
Qaýlynyń tolyq mátini búgin respýblıkalyq BAQ betterinde jarııalanady.
