Memlekettik kompanııalardy qurý Prezıdent jarlyǵy nemese Úkimet sheshimi arqyly ǵana júzege asady
ASTANA. QazAqparat - Endigide memlekettik kompanııalar qurý Prezıdent jarlyǵy nemese Úkimet sheshimi arqyly ǵana júzege asady. Búgin Parlament Májilisinde Ulttyq ekonomıka vıtse-mınıstri Tımýr Jaqsylyqov osylaı málim etti. Eske salaıyq, Májiliste «Qazaqstan Respýblıkasynyń keıbir zańnamalyq aktilerine memlekettiń kásipkerlik qyzmetine qatysýyn shekteý máseleleri boıynsha ózgerister men tolyqtyrýlar engizý týraly» zań jobasy tanystyrylǵan bolatyn.
Qujattyń basty jańalyǵynyń biri - memlekettik kompanııalardy jáne enshiles uıymdardy qurý jaǵdaılary qarastyrylyp otyr. «Atap aıtqanda, meml e kettik kompanııalardy qurý birinshiden, ulttyq qaýipsizdikti qamtamasyz etýdiń, memlekettiń qorǵanys qabilettiliginiń nemese qoǵam múddelerin qorǵaýdyń basqa múmkindiginiń bolmaýy jaǵdaıynda júzege asady. Ekinshiden, memlekettik menshiktegi strategııalyq obektilerdi paıdalaný jáne ustaý úshin qurylýy múmkin. Úshinshiden, memlekettik monopolııaǵa jatqyzylǵan, sondaı-aq memlekettik saıasatty jetildirý boıynsha tıimdilikti taldaý jáne usynystar ázirleý úshin qurylǵan salalardaǵy uıymdardyń qyzmetin júzege asyrý barysynda qarastyrylady. Tórtinshiden, uqsas nemese ózara almastyratyn taýardy óndirýdi júzege asyratyn jeke kásipkerlik sýbektileri tıisti taýar naryǵynda bolmaǵan jaǵdaıda qurylady», - deıdi vıtse-mınısr T.Jaqsylyqov.
Onyń aıtýynsha, meml e kettik kompanııalardy qurý Qazaqstan Respýblıkasynyń zańdarynda, Qazaqstan Respýblıkasy Prezıdentiniń Jarlyqtarynda nemese Úkimetiniń sheshimderinde tikeleı kórsetilgen kezde ǵana júzege asady.
Budan basqa, «Jeke kásipkerlik týraly» zańda bekitilgen krıterıılerge sáıkes jeke kásipkerlik sýbektilerine jatatyn memlekettiń qatysýymen uıymdar qurýǵa, sondaı-aq olarda memlekettik qatysýyna tyıym salynady.
«Jalpy, qandaı da bir naryqta básekelestik bolmaǵan jaǵdaıda memleket onyń qatysýymen zańdy tulǵany qurý týraly sheshim qabyldaı alady. Osyndaı zańdy tulǵa jobanyń ózin-ózi aqtaýy, memlekettiń keıin onyń úlesinen shyǵý kezeńin eskere otyryp, memlekettik-jekeshelik áriptestik qaǵıdattarynda qurylýǵa tıis», - dedi vıtse-mınıstr.
